Саябақтарға тал отырғызу шарасына аудан әкімінің орынбасарлары, ауыл әкімі, бөлім, мекеме басшылары мен мамандары, ардагерлер, әйелдер кеңесі, әжелер алқасы қоғамдық бірлестіктердің төрағалары мен өкілдері, аудандық БАҚ-ы, жастар белсене қатысты.

Тал егу шарасында аудан әкімі Ержігіт Шәріпбекұлы «Жастар саябағында» қоғамдық ұйымдардың өкілдердірімен және ардагерлермен кездесіп, аталған саябақты абаттандыру бойынша алдағы атқарылатын жұмыс-жоспарларымен бөлісіп, пікір алмасып, ардагерлердің бірқатар ұсыныстарын тыңдады.

Сонымен қатар аудан әкімі Ержігіт Шәріпбекұлы еңбек ардагерлерімен бірге орталыққа саябақты аралап, терек талын отырғызды. Сенбіліктер санитарлық-тазалық айлықтары аясында бұдан былай да ұйымдастырылып, көшелердің барлығы тазаланып, тал көшеттерін егу шаралары жалғаса беретінін жеткізген аудан әкімі, шараға қатысушылардың еңбегіне сәттілік тілеп, алғысын білдірді. Мақсат - жастарды табиғатты аялауға баулып, патриоттық рухта тәрбиелеу, туған жерді қастерлеуді үйрету болып табылады.

Жалпы бүгін Шаян ауылындағы «Жастар саябағына» 100 түп шырша, орталық саябаққа 160 түп терек көшеттері егілді. 

 «AQ-QARA.KZ»-ақпарат