Мақтаралда алтыншы шақырылымдағы аудандық мәслихаттың елу екінші сессиясы өтті. Күн тәртібінде 2018 жылы атқарылған жұмыстардың есебі талқыланды. Кенттер мен ауылдық округтердің 2019-2021 жылдарға арналған бюджетіне өзгерістер енгізу туралы мәселелер де қаралды. Мырзакент кентінде өткен басқосуда 2018 жылғы бюджеттің есебін аудан әкімінің орынбасары Бейсенбай Төребеков баяндады.
Жарылыстан зардап шеккен Арыс қаласын жөндеу жұмыстары басталды. Осы орайда беріліп жатқан көмектің ашық, уақтылы жеткізілуін қадағалау және елмен тығыз қарым-қатынас жасау үшін жергілікті тұрғындар арасынан бір белсендіден штаб жұмысына тартылуда. Яғниәрбір 10 үйге жергілікті бір белсенді тұрғын тағайындалып, жұмыстардың үйлестірілуін және көмектің жетуін бақылайды. Өздері де ерікті ретінде жұмыс істейді.
Арыстағы төтенше жағдайдың салдарын жою, тұрғындарға қолайлы жағдай жасау бағытында атқарылып жатқан жұмыстар жөнінде брифинг өтті. Жиында Арыс қаласының әкімі Мұрат Қадырбек, ҚР Қорғаныс министрлігінің өкілі Ермиян Биятов және облыстық денсаулық сақтау басқармасының басшысы Мұқан Егізбаев соңғы мәліметтерді жариялады.
Бүгінде Арыс қаласындағы төтенше оқиғаның салдарын жою, тұрғындарға қолайлы жағдай жасау бағытындағы жұмысқа созақтықтар да белсене кірісіп кетті. Бекітілген 6-сектор бойынша 254 үйге акт жасалынып, жөндеу жұмыстары басталды.
2019 жыл «Жастар жылы» деп жарияланғандықтан, жастардың еңбегін, білімін көрсетуге көптеген мүмкіндіктер жасалып жатыр. Түркістан облысының құрылғанына жыл толуына байланысты жас таланттардың арасында көптеген байқаулар өтуде. Соның бірі – жыл сайын дәстүрге айналған «Turkistan ART fest» жас дизайнерлер, суретшілер мен мүсіншілер, сәулетшілер, зергер және қолөнерші жастар арасындағы облыстық байқау. Аталмыш сынға қатысып, бақ сынаған жас буын биыл да көп болды.
Қазақстан полициясы күні қарсаңында Жетісай аудандық ішкі істер бөлімінің жанынан халықтық кеңсе ашылды. Бұл бастама ҚР Ішкі істер органдарын жаңғырту жөніндегі «2019-2021 жылдарға арналған жол картасы» аясында іске асып отыр. Салтанатты шараға Түркістан облыстық полиция департаментінің басшысы, полиция генералы Қайрат Дәлбеков қатысты.
Сарыағаш аудандық мәдениет үйінде 23-маусым Қазақстан Республикасының мемлекеттік қызметшілер күніне орай мерекелік іс-шара болып өтті. Іс-шара барысында аудан әкімінің міндетін уақытша атқарушы С.Тасқұлов қатысты.
Түркістан облысының құрылғанына 1 жыл толуына орай облыстық білім басқармасының қолдауымен облыс оқушылары арасында «Облыс тарихы» атты керуен-шеру ұйымдастырылды. Керуен-шерудің негізгі мақсаты мен міндеті оқушылардың жазғы демалысын үнемді пайдалану, салауатты өмір салтын ұстанып рухани және мәдени білімдерін жетілдіру, өскелең ұрпақты патироттыққа тәрбиелеу, облысымыздың табиғи, мәдени мұраларын дәріптеу және тарихи естеліктерді сақтауға баулу.
Оқу жылы аяқталысымен мектеп оқушылары жазғы лагерьге баруға асығады. Сарыағаш өңірінде балалардың демалысы қызықты өту үшін барлық жағдай жасалған. 2019 жылдың 21 маусым күні «Балдәурен» жазғы лагерінің ашылу салтанаты болып өтті.
Сарыағаш ауданы әкімдігінің жұмыспен қамту орталығының директоры Динара Динашева БАҚ өкілдерінің қатысуымен брифинг өтті. Брифинг барысында орталық директоры мемлекеттік атаулы әлеуметтік көмек төлемдері тоқтатылмағандығын және ауданның халықты жұмыспен қамту орталығында 2019 жылдың сәуір-маусым айларында өтініш берген 16171 отбасының учаскелік комиссия қорытындысымен 10488 мұқтаж отбасыға қаржы тағайындалғанын айтты.