Т. Рысқұлов ауылындағы аудандық №1 балалар мен жасөспірімдер спорт мектебінде «Есірткісіз жарқын болашақ» ұранымен «Әкем, Анам және Мен» атты тақырыпта отбасылар арасында аудандық толағай жарысы өткізілді. Жарыс аудандағы 3 спорт мектебінде еңбек ететін қызметкерлердің отбасылары арасында өтті.
Бүгін Түлкібас ауданының орталығы Т.Рысқұлов ауылындағы «Жеті қазына» демалыс орнында ұлттық домбыра күніне орай «Түлкібастықтар – Арыспен бірге!» атты ауқымды акция ұйымдастырылды.
Түркістан қаласында облыс әкімінің тапсырмасынасәйкесхалық көп шоғырланған орталық көшелер бойынан қоғамдық көгалдарды (скверлер мен аллеялар) көбейту бойынша бірнеше демалыс алаңшаларын салу жоспарланған болатын. Бүгінде солардың бірқатарының құрылысы басталып кетті.
Бүгін Арыста апаттан кейінгі қаланың жай-күйі туралы Түркістан облысы әкімінің орынбасары Жолдымұрат Аманбаев, облыстық төтенше жағдай департаментінің бастығы Нұрғали Жүнісов, облыстық әкімшілік полиция басқармасының бастығы Алмасхан Тастамбеков, Арыс қаласы әкімінің орынбасары Рысдәулет Айтбаев, ҚР Қорғаныс министрлігінің өкілі Ермиян Биятов, облыстық жұмыспен қамту және әлеуметтік бағдарламалар басқармасы басшысының орынбасары Тұрар Құдайбергеновтың қатысуымен брифинг өтті.
Бүгін Түркістан облысының әкімі Өмірзақ Шөкеев апталық аппараттық мәжілісті Арыс қаласында өткізді. Мәжілісте балаларды жазғы демалыспен қамту мәселесі де сөз болды.
Құрылыс материалдарының негізсіз өсуін болдырмау – басты назарда. Түркістан облысы әкімінің орынбасары М.Мырзалиевтің төрағалығымен өткен жиында баға тұрақтылығын ұстау бойынша меморандумға қол қойылды.
Түркістан облысының бір жылдығына орай облыстық «Жырласа жастар жырласын...» жас ақындар айтысы өтті. Түркістан облысының Мәдениет басқармасы, облыстық Мәдениет және халық шығармашылығы орталығы, Созақ аудандық мәдениет және тілдерді дамыту бөлімінің ұйымдастыруымен Созақ ауданындағы «Мыңжылқы» мәдениет сарайында өткен айтысқа өңірдің аудан, қалаларынан 20 үміткер қатысып, бақ сынасты.
Бүгін Түркістан облысы Жетісай ауданында 23 маусым мемлекеттік қызметшілер күніне орай салтанатты жиын өтті. Аудан әкімі Жамантай Бейсенбаев мемлекеттік қызметшілерді кәсіби мерекесімен құттықтап, мемлекеттік қызметшілердің бүгінгі рөлі, мойнындағы міндеттері үлкен жауапкершілікті қажет ететіндігін атап өтті.
«Құрметті әріптестер! Сіздерді 23 маусым кәсіби мерекеміз – мемлекеттік қызметшілер күнімен шын жүректен құттықтаймын! Кез келген қоғам мемлекеттік басқарусыз, яғни мемлекеттік қызметшілерсіз әрекет етуі мүмкін емес. Билікке деген сенім қазіргі қоғамның талаптарына сай мемлекеттік қызметшіден басталады. Сондықтан мемлекеттік қызмет – бұл барлық мемлекеттік басқаруды ұйымдастырудағы жетекші рөлді атқаратын мемлекет жүйесінің ең маңызды тетіктерінің бірі саналады», - деді Жамантай Қанайұлы.
Жиын барысында аудан әкімі облыс және аудан экономикасы мен әлеуметтік дамуына аянбай еңбек етіп жүрген бір топ мемлекеттік қызметкерлерге облыс, аудан әкімінің атынан алғыс хат табыс етті. Солардың қатарында Түркістан облысының әкімі Өмірзақ Шөкеевтің арнайы грамотасымен марапатталғандары да бар. Шара соңы концерттік бағдарламаға ұласты.
«AQ-QARA-KZ» - ақпарат»
Мақтаарал ауданындағы ауыл шаруашылығы өндірісінің негізгі бағыты – шитті мақта өндіру. Өткен жылы бұл салаға қомақты инвестиция тартылды. Осының арқасында мақтааралдық мақташылар былтыр 96 мың 511 тонна «ақ алтын» жинап алды.
Тілдерді оқыту – өзектілігін жоймайтын, күн тәртібінен түспейтін мәселенің бірі. Осыған орай Түркістанда Ахмет Байтұрсынұлы атындағы «Үздік оқытушы» байқауы өтті. Онда тілдерді оқыту орталықтарынан таңдалған 15 оқытушы қатысып, бақ сынады.