Жиында сөз алған өңір басшысы ҰБТ өткізетін орындар мен жауапты мамандардың дайындығын тағы бір пысықтау қажеттігіне тоқталды. Биыл Жетісай ауданында ҰБТ өткізу үшін 14 аудитория қоры жасақталған. Оның 3-еуі денсаулығы нашар түлектерге арналып отыр. Барлық кабинеттер тиісті құрал-жабдықтармен қамтылған. Аудиторияларға бейнебақылау камералары орнатылып, жаңадан ұялы байланыс телефондарын тұншықтыру құралдары және рамалы металліздегіш сатып алынған. Сондай-ақ, барлық аудиторияларда салқындатқыштар мен бейнебақылау камералары орнатылыпты. Бұдан бөлек, ата-аналарға балаларының қалай тест тапсырып жатқанын бақылау үшін арнайы монитор орнатылмақ. 

Айта кетейік, биыл яғни 2018-2019 оқу жылында Жетісай ауданындағы 70 мектепте 43 мың 666 оқушы білім алды. Оның 2627-сі биылғы мектеп бітіруші түлектер. Солардың ішінде «Алтын белгі» медаліне 180 бітіруші түлек және «Үздік аттестатқа» 110 оқушы үміткер атанып отыр. Ал 9-сыныпты бітіруші 3661 білім алушыдан 394 оқушы негізгі орта білімі туралы үздік аттестатқа үміткер.

«AQ-QARA-KZ» - ақпарат»