ҚР Премьер-Министрі Асқар Мамин Түркістан облысына жұмыс сапары кезінде Арыс қаласындағы тұрғын үй секторының, білім беру және денсаулық сақтау нысандарының қалпына келтірілу, сондай-ақ Түркістан қаласындағы әкімшілік, тарихи-мәдени, әлеуметтік ғимараттардың салыну барысын тексерді. 

Аудан активінің көшпелі мәжілісі Шұбар ауылында жалғасын тапты. Мұндағы жиында аудан әкімі Әліпбек Өсербаев атқарылған жұмысқа емес, өзекті мәселелерге тереңірек тоқталғанды жөн санады. 

Бүгін Шұбарсу ауылында аудан әкімі Әліпбек Өсербаевтың қатысуымен аудан активінің көшпелі мәжілісі өтті. Күн тәртібіне сәйкес, бірінші сөз алған ауыл округ әкімі Ануар Тұрсынбаев 2019 жылдың алғашқы жартыжылдығында атқарылған жұмыс барысын баяндады. 

Бүгін ҚР Мәдениет және спорт вице-министрі Нұрғиса Дауешов арнайы іссапармен Арыс қаласына келді. Арыс қаласында болған жарылыс салдарынан зардап шеккен «Арыс-1» теміржол вокзалының жөндеу жұмыстарымен танысқан Нұрғиса Мұратұлы жергілікті тарихи маңызға ие нысанның сыртқы келбеті мен ішкі әрлеу жұмыстарының тиісті талаптарға сай жүзеге асуын пысықтады. 

Жарылыс кезінде зардап шеккен Арыс шаһары тұрғындарына 100 мың теңге көлеміндегі өтемақы берілді. Аталған қаржыны алу үшін, бұған дейін екі ауылдық елдімекен мен Арыс қаласындағы 17 секторда банк карточкалары таратылған болатын. Қызылорда, Жамбыл облыстары және Шымкенттен «Халық банкінің» 120 қызметкері Арысқа арнайы келіп, жұмыс жүргізген. 

Ағымдағы аптада аудандық ардагерлер кеңесінің ұйымдастыруымен Ұлы Отан соғысының ардагері, ҚСР Жоғарғы Кеңесінің депутаты (1967), мал шаруашылығын өркендетуге қосқан үлесі үшін «Қазақ КСР-іне еңбегі сіңген ауыл шаруашылық қызметкері», есімі «Қазақ КСР-нің Алтын кітабына» жазылған (1964), 2 Ленин (1964, 1975), Еңбек Қызыл Ту (1971, 1977) ордендерінің иегері, Созақ ауданының Құрметті азаматы Қалы Байымбетовті еске алуға арналған асық атудан аудан ардагерлері арасында жарыс өтті. Аталған жарыс аудан орталығы Шолаққорғандағы балалар мен жасөспірімдер спорт мектебінде болды. 

«Ауыл – Ел бесігі» бағдарламасы аясында биыл Абай ауылында республикалық бюджет есебінен 23 көшені орта жөндеу жұмыстары қарқын алды. Атап айтқанда, Абай ауылына кіре беріс тұстағы көшелерді жөндеу, А.Мамытбайұлы көшесіне суағар нысандарын жеңімпаз мердігер мекеме тарапынан әкеліп орналастыру жұмыстары жүруде. 

Састөбе кентінің жастары жаңа оқу жылын жақсы жаңалықпен қарсы алмақ. Бүгін спорт күні мерекесіне орай кент орталығынан 240 адамға есептелген «Ер Жәнібек» атындағы су жаңа шынықтыру-сауықтыру спорт кешені ашылды. 

Кентау қаласының Қарашық ауылында 2007 жылдан бері шаруашылықпен айналысып жатқан «Бағы-Жахан» шаруа қожалығы бүгінде қарқынды бау-бақшаны дамытып келеді. 20 гектар жердің 14 сотығына жүзім егілсе, қалған жерлеріне алма, өрік, шабдалы жемістерін өсірген. 

Бүгін Түркістан облысына бір топ шетелдік басылымдардың тілшілері келіп, Арыстанбаб, Қожа Ахмет Ясауи кесенелеріне саяхат жасады. Елбасының «Рухани жаңғыру» бағдарламасының «Жаһандағы заманауи қазақстандық мәдениет» жобасын халықаралық деңгейде ілгерілету шеңберінде шетелдік БАҚ өкілдерінің қатысуымен өткен мәдени баспасөз туры Қазақстан Республикасы Сыртқы істер министрлігі және Түркістан облысы әкімдігінің ұйымдастыруымен өтті.