Түркістан облысының орталығы — Түркістан қаласында Конституция күніне орай «Айбары мықты — Ата Заң» мерекелік шарасы өтті. Салтанатты шарада Түркістан облысының әкімі Жансейіт Түймебаев көпшілікті мерекемен құттықтады.
Бүгін Шымкент қаласының Қаратау ауданына қарасты Қайнарбұлақ тұрғын үй алабындағы №125 жалпы орта мектепте 1 қыркүйек – Білім күніне орай осымен екінші мәрте алғашқы қоңырау соғылды. Өткен оқу жылының басында ел игілігіне беріліп, тұсауы кесілген, 1200 орындық білім ошағындағы биылғы салтанатты шара «Рухани жаңғыру – Елорданың еңселі белестері» атты тақырыптың аясында Астана қаласының 20 жылдығына, Ақтау қаласының 55 жылдық мерекесіне және шырайлы Шымкенттің республикалық маңызға ие қалаға айналып, мегаполис атануына арналды. Жиынға «AQ-QARA.KZ» ақпарат агенттігінің бас редакторы, Қазақстан Журналистер Одағының мүшесі Тұтқабай ФАЗЫЛБЕК пен Қаратау ауданы әкімдігінің заңгері Қанатбек СӘМБЕТОВ қатысып, барша ұстаздар мен шәкірттерді, ата-аналарды Білім күнімен құттықтап, ізгі тілектерін жеткізді.
Өткен сенбіде Келес ауданы әкімі аппаратының мәжіліс залында аудан әкімі А.Есбаевтың төрағалығымен жиын өтті. Мәжіліске аудан әкімінің орынбасары, аппарат басшысы, бөлімше басшылары және тиісті мамандар, ауыл, ауылдық округтердің әкімдері, ветеринария бөлімінің басшысы, ауылдық ветеринария пунктердің меңгерушілері, АІІБ ЖПБ басшысы, аудандық (РЭС) электр жүйелері мекемесінің басшысы, аудандық аурухана басшысы және аудандық емханалардан аға дәрігерлері қатысты.
Мақтаарал ауданында өткен кеңейтілген аппарат мәжілісінде аудан әкімі Бақыт Асанов құрылымдық бөлімдердің жаңадан тағайындалған басшыларын аудан активіне таныстырды.
Облыстық дене шынықтыру және спорт басқармасы, Шардара аудандық дене шынықтыру және спорт бөлімі ұйымдастыруымен Шардара ауданында Қазақстан Республикасының Президенті Н.Ә.Назарбаевтің жүлдесі үшін VI-шы Халық спорт ойындарының облыстық іріктеу жарыстары болып өтті.
Түркістан облысы Отырар ауданының диқандары қауын-қарбызды көрші мемлекеттерге экспорттап жатыр. Мәселен, бір ғана шаруашылық жиын-терін басталған бір аптаның ішінде 300 тонна өнімді Ресей мен Қырғызстанға жөнелткен.
Қаладағы «Абай» Мәдениет сарайында аудандағы білім саласы қызметкерлерінің дәстүрлі тамыз кеңесі өтті. Алқалы жиын басталар алдын аудан әкімі Болатбек Қыстауов пен облыстық білім басқармасы басшысының орынбасары Ардақ Садықова, аудандық мәслихаттың хатшысы Бұлтбай Мүтәлиев бастаған топ Мәдениет сарайының фоесінде компьютер арқылы әрбір мектептің жетістіктерімен танысып шықты.
Биыл Түркістан облысы Отырар ауданының орталығы Шәуілдір мен Темір елдімекендеріне көгілдір отын жеткізіледі. Жалпы Отырар ауданында 22 елді мекеннің жобалық сметалық құжаты дайындалып, бюджет қарауына ұсынылған. Қазір соның жетеуіне газ тарту жұмыстары жүргізіліп жатыр.
Республика деңгейінде қызмет атқарып жатқан 160 аудандық халықты жұмыспен қамту орталықтарының 2018 жылдың жарты жылдығы қорытындысы бойынша атқарған жұмыстарына бағалау жұмыстары жүргізіліп, арнайы рейтинг құрылған. Аталған көрсеткіштер бойынша республика көлемінде Сарыағаш ауданы әкімдігінің халықты жұмыспен қамту орталығы 6-шы орынды иеленді.
Түркістандық кәсіпкер туған ауылына құны 116 млн. теңге болатын спорт кешенін салып берді. Бұл туралы «AQ-QARA.KZ» ақпарат агенттігі хабарлайды «24.kz» сайтына сілтеме жасап.