Ордабасы ауданында жазушы, драматург, қоғам қайраткері Дулат Исабековтың кітапханасы ашылды. Салтанатты шарада Түркістан облысы әкімінің орынбасары Ұласбек Сәдібеков сөз сөйлеп, Түркістан облысының әкімі Жансейіт Түймебаевтың сыйлығын тапсырып, құттықтау хатын оқып берді. Бұл туралы «AQ-QARA.KZ» хабарлайды «ontustik.gov.kz-ке» сілтеме жасап. 

Шымкент қаласы әкімі аппараты басшысының орынбасары лауазымына Асылбекова Гүлнұр Нұрбекқызы тағайындалды. Гүлнұр Нұрбекқызы бұған дейін облыстық қаржы, экономика басқармаларында және облыс әкімі аппаратында қызмет атқарған. Соңғы қызметі - Түркістан облысы әкімі аппараты басшысының орынбасары. 

Коммуналдық қызметтер үшін Шымкент қаласы тұрғындарының өтемақы қарызы 1 718 914 теңгені құрайды. Бұл қатардағы басым көпшілігінде табиғи газға берешегі бар, нақты айтқанда, 1 167 115 теңге көлемінде қарызын өтеуі тиіс. Ал ең аз көрсеткіш ретінде энергия қызметі үшін 11 630 теңге төлемек. Бұдан бөлек су бұру қызметтеріне – 77 мың теңге, сумен жабдықтауға – 231 924 теңге, жылу қызметі үшін 230 937 теңге көлемінде өтемақы алынбақ.Бұл жөнінде қала әкімдігінің мәжілісінде мәлім болды. 

Қалалық білім басқармасы алдағы жылыту маусымына қызу дайындық үстінде. Шаһар басшысы Ғабидолла Әбдірахымовтың тапсырмасына сай бірінші қыркүйекке дейін барлық мектептер қажетті қатты және сұйық отынды тасымалдап алуы тиіс. 

Қаладағы “сақалды” құрылысқа айнала бастаған “Бозарық” шағын электр станциясы төңірегіндегі жұмыс қайта жанданатын болды. Шаһар бюджетінен 50 миллион теңге бөлініп, станцияның құрылысы жалғаспақшы. Егер ол аяқталса, “Астана-1” және “Астана-2” шағын электр станцияларын іске қосуға болады. Нәтижесінде тұтынушыларға берілетін жарықтың сапасы жақсарады. 

Қалың бұқараның игілігіне берілгеніне қырық жылға жуықтаған Шымкент қаласының зообағы шаһар тұрғындары мен қонақтарының ең сүйікті мекеніне айналғалы қашан. Жаңғыртудан өткізілген аталмыш нысан аумағы жыл сайын жаңа жан-жануарлармен толығып келеді. 

Шаһар мегаполис атанып, республикалық мәртебеге ие болғалы, Шымкент көркіне көрік қосуда. Әсіресе, жергілікті билік абаттандыру, тазалық, көріктендіруге ерекше назар аударып жатыр. Жолдардың да сапасы арта бастаған. 

Шымкент қаласы Қаратау ауданы «Таза қала» акциясына дайындығын қарқынды жүргізуде. Атап айтсақ, «Таза қала» акциясына дайындық барыстарын аудан әкімі аппараты қызметкерлері байқауға қатысушы үй, көшелерді әр 15 күн сайын аралап, дайындық жұмыстарын күшейтуде.

Шымкент қаласы Әл-Фараби ауданы аумағында «Шымкент-қауіпсіз қала» жол картасы аясындағы бекітілген іс-шара жүргізілуде. «Шымкент-қауіпсіз қала» жол картасы аясындағы бекітілген іс-шара жоспарына сәйкес, Шымкент қаласы Әл-Фараби ауданында 21:00-ден кейін алкогольдік ішімдіктерді сатуға шектеу қою және 23:00-ден кейінгі қоғамдық тыныштықы сақтау бойынша түсіндірме жұмыстары жалғасуда.

Қалыптасқан дəстүр бойынша Шымкент қаласы Қаратау ауданы əкімінің аппараты жыл сайын оқу жылы басталар алдын мүгедек балалар, жетім балалар мен көпбалалы отбасы балаларына арналған акция өткізеді. Аталған акция биыл да өз жалғасын тауып отыр.