Түркістан облысында биылғы жылдың қаңтар-маусым айларында пайдалануға берілген тұрғын үйдің жалпы алаңы - 202 мың шаршы метрді құрапты. Бұл өткен жылдың осы кезеңімен салыстырғанда 30 пайызға артық көрсеткіш. Бұл туралы Түркістан облыстық өңірлік коммуникациялар қызметінде өткен брифингте Статистика департаментінің басшысы Айдар Әбілдабеков айтып берді.