Шымкент қаласына жұмыс сапарымен келген Б.Сапарбаев бастаған Үкімет мүшелері Президент Жолдауының жүзеге асырылуын қадағалау және қалада жастар саясатының жұмысымен танысу үшін М.Әуезов атындағы ОҚМУ-де болды. Бердібек Мәшбекұлымен сұхбаттасуға қаланың жас белсенділері, ғалымдары, кәсіпкерлері және спортшылары келді. Сондай-ақ кездесуге Шымкент әкімі Ерлан Айтаханов пен Ақпарат және қоғамдық даму вице-министрі Данияр Есин қатысты. 

Осыдан тұп-тура екі жыл бұрын Президент Нұрсұлтан Назарбаев Ақордада өткен Үкіметтің кеңейтілген отырысында «Мемлекеттік қызмет туралы» заң жобасына вето қойғаны естеріңізде болар. Бұл ретте Елбасы заң жобасына әлі де өзгертулер енгізілуі керектігін ескертіп, әсіресе, мемлекеттік қызметкерлердің зейнеткерлікке шығуына қатысты мәселе бүге-шігесіне дейін қаралуы қажеттігіне баса назар аударған-ды. Саяси мемлекеттік қызметшілердің зейнетке шығу жасын әкімшілік мемлекеттік қызметкерлермен бірдей етуді ұсынған Мемлекет басшысының зейнет жасына жеткен кейбір мемлекеттік қызметшілердің орындарын босатпайтындығын атап өткенін де ұмыта қойған жоқпыз.