Өткен бейсенбі, яғни, 20 қыркүйек күні Сарыағашта ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Түркістан облысы бойынша департамент басшысы Ғалым Сұлтанұлы Тұрсынбаевтың төрағалық етуімен Сарыағаш ауданының мемлекеттік қызметшілерімен және бюджеттік ұйым басшыларымен кездесу өтті.
Мақтаарал ауданы жаңадан құрылып, дербес дами бастағандықтан, Мырзакент пен Атакент кенттерінде тұңғыш рет «Жасыл ел» жастардың еңбек жасақтары жұмыс жасай бастады. Аудандық «Жастар ресурстық орталығы» КММ-нің ұйымдастыруымен ауданның студент және жұмыссыз жастарын қосымша жұмыспен қамту, қоғамдық, еңбек белсенділіктерін нығайтуды жүзеге асыру, жастар бойында азаматтық және отансүйгіштік қасиеттерін қалыптастыру мақсатында «Жасыл Ел» еңбек жасақтарын қалыптастырған болатын.
Елбасының бастамасымен жасалып жатқан реформалардың негізгісі «Ұлт жоспары 100 нақты қадамның» алғашқы 15-і мемлекеттік аппаратты кәсібилендіруден басталуы мемлекеттік қызметке аса көңіл бөлініп отырғанын білдірсе керек. Осыған орай Отырар ауданына арнайы келген Түркістан облысы әкімі аппаратының Әдеп жөніндегі уәкілі Әмірдин Әлішев мемлекеттік қызметкерлердің Әдеп кодексі заңнамаларын сақтау және мемлекеттік қызметтің оң бейнесін қалыптастыру мақсатында келелі жиын өткізді.
Мақтаарал ауданында «ХХІ ғасырдағы қазақстандық ата-ана: өз балаңа үлгі бол!» атты аудандық конференция болып өтті. Іс-шараға аудан әкімінің орынбасары Бейсенбай Төребеков, аудандық білім бөлімінің басшысы Серік Туребеков және білім ұйымдарының мамандары, ата-аналар комитетінің төрағалары мен мүшелері қатысты.
Отырар ауданының әкімі Ерлан Айтаханов таяуда ғана аяқталған Индонезияның Джакарта қаласында өткен ХVIII Азия ойындарының самбо күресінің жеңімпазы, Отырар ауданының тумасы Бағлан Ибрагимді қабылдады. Кездесуде аудан басшысы халықаралық спорт алаңдарында еліміздің туын туын көкке желбіретіп жүрген спорт саңлағын кезекті жеңісімен құттықтап, ел намысын қорғаудағы еңбектеріне сәттілік тіледі.
Мақтаарал ауданында жайылымдық жердің аз екендігі белгілі. Сондықтан да бұл өңірде малды бордақылаған өте тиімді. Қазірдің өзінде ауданда 80-нен аса мал бордақылау алаңдары жұмыс істеп жатыр екен. Бұл туралы мал бордақылау алаңдарының жұмыс барысымен танысқан Мақтаарал ауданының әкімі Бақыт Асанов мәлімдеді.
Түркістан облысы Түлкібас ауданында балық шаруашылығы қарқынды түрде дамып келе жатқандығы белгілі. Мұндағы шаруалар бұрын теңіздің ащы суында ғана өсетін бекірені тау бөктеріндегі бұлақ суына бейімдеген. Бүгінде мұнда бекіре, форель, ақ амур, карповый, сазан балықтары бар екенін айта кеткен жөн.
Мемлекет басшысы Нұрсұлтан Назарбаев латын әліпбиіне жүйелі түрде көшу керектігін айтып, тапсырма бергені белгілі. Бұл бірінші кезекте балабақшаларда бастау алатыны айтпаса да түсінікті. Осы орайда «Өрлеу» біліктілікті арттыру ұлттық орталығының» Түркістан облысындағы және Шымкент, Тараз қаласындағы филиалдары бірігіп, «Латын әліпбиі — мектепалды даярлық үрдісінде» атты республикалық деңгейде дөңгелек үстел өткізді.
Жаңа оқу жылындағы жаңалық! Биыл Түркістандағы көптеген білім ұялары 1-сыныпқа оқушыларды электронды жүйе арқылы қабылдады. Мектеп басшылары аталған жүйенің тиімділігіне оң баға беруде. Өйтетін себебі де бар. Оқушыны электронды жүйе арқылы қабылдау - жаңа оқу жылының басталар алдындағы әуре-сарсаңды азайтады. Сондай-ақ саладағы жемқорлықты да жояды екен.
Түркістан облысының тауарөндірушілері демалыс күндері Елордада ауыл шаруашылығы өнімдерінің кезекті жәрмеңкесін өткізді. Екі күндік шара Астана қаласының 20 жылдық мерекесіне арналғанын айта кетейік. Онда жалпы құны 201 млнтеңгені құрайтын 496 тонна ауыл шаруашылығы өнімдері ұсынылды.