Бүгінгі таңда 170 кәсіпорында (шағын және орта) жалақысы төмен жұмысшылардың саны 635 адам екендігі анықталды. Қаладағы 150-ге жуық жұмысшысы бар «Гранд микс» жиһаз кәсіпорнының басшылығы Елбасы Жолдауындағы басым бағытты қолдаушылардың бірі болып, шикізат қорын арттырып, өндірісті өркендетуді көздеп отыр. Осы бағытта жұмысшылардың еңбекақысын 2019 жылдың 1 қаңтарынан бастап жоғарылатпақ. Жергілікті кәсіпорын басшылары «Елбасының Жолдауындағы басым бағыттарды жүзеге асыруды бір кісідей қолдаймыз» - деп сендерді.

Ал қалалық әкімдіктің «Түркістан Жарық-тазалық» мекемесі жалақысы 33 мың теңгені құрайтын жұмысшыларының айлығын 43 мың теңгеге көтеруді жоспарлап отыр. Түркістан қаласының тазалығы мен абаттандыру, көгалдандыру жұмысына жауапкершілікпен қарайтын мекемеде бүгінде 250-ге жуық жұмысшы еңбек етеді. 

Бұдан өзге қаладағы бірқатар кәсіпорындар мен мекемелер жұмысшылардың әлеуметтік әлеуетін көтеруге жоспарлар түзіп, жұмыс атқаруға кіріскен.

«AQ-QARA.KZ»-ақпарат.