Мәселенің мән-жайымен толық танысу үшін аудан әкімі Жамантай Бейсенбаев аталмыш ауылға арнайы барып, көпірді демеушілердің есебінен тез арада жөндеуге тапсырма берді. Нәтижесінде 3 күн ішінде ауылдағы негізгі көпір жөндеуден өтіп, ел игілігіне қайта тапсырылды. 

Айта кетер жайт, бүгінде аталған ауылда 23 отбасы тұрады. Халықтың негізгі күнкөрісі – егін шаруашылығы. Дәл қазір егістік алқаптарындағы бақша дақылдарының пісіп-жетіліп тұрғанын ескерсек, жүк көліктерінің ары-бері қатынауына бұл көпір ауадай қажет болатын. Ауыл тұрғындары өткелдің тез арада қайта жөнделіп, қолданысқа берілгеніне риза болып, алғыстарын жаудырып жатыр.

«AQ-QARA.kz»-ақпарат.