Жабайы аңдардың, үй жануарларын тістеуі, сондай-ақ, барлық үй және ауыл шаруашылығы жануарларының жат мінез көрсету болған жағдайда құтыру ауруының алдын алу мақсатында «Төлеби ауданының ветеринариялық қызметі» МКК 6-19-04 телефонына немесе +7 707 395 19 70, +7 775 284 57 28 нөмірлері арқылы «Төлеби аудандық ветеринария бөлімі» ММ-нің WhatsApp мессенджері арқылы хабар беруді сұрайды.

Төлеби ауданы бойынша 2019 жылы 4914 бас қаңғыбас ит мысықтарды аулап жою жұмыстары жоспарланған екен. Жыл басынан бүгінгі күнге дейін 4034 бас ит және 53 бас мысық ауланып жойылды. Қаңғыбас ит мысықтарды аулау жұмыстары жыл соңына дейін тұрақты жүргізіледі.

Тұрғындар арасында құтыру ауруын болдырмау мақсатында жануарлардың сілекейінен, тырнауынан, тістеуінен зардап шеккендер антирабиялық көмек алу үшін дереу медициналық көмекке жүгініп, сондай-ақ жануарларды ұстау ережесі мен адамдардарды тістеген иттерді, мысықтарды және де басқа жануарларды 10 күн бақылап, қарау үшін ауылдық округ мал дәрігерлеріне хабарлау немесе жеткізу керек екендігін хабарлайды.

«AQ-QARA-KZ» - ақпарат»