Шаруалар мерекені толағай табыстармен қарсы алып отыр. Шыбық шаншысаң, шынар болып шығатын Мырзашөл өңірінің жері де жомарт. Оған биылғы жиын-терімнің нәтижесі дәлел бола алады. Салтанатты кеште сахна төріне көтерілген аудан әкімі Бақыт Асанов 10 айдың қорытындысымен ауыл шаруашылығы өнімінің көлемі 29 миллиард теңгеден асқанын атап өтті. 

«Менің туым - менің Отаным» патриоттық акциясы Сарыағаш ауданында жалғасын тапты. Аудандағы «Алып» сауда кешенінде мемлекеттік туды салтанатты түрде көтеріп, аймақ жастары ән-жырдан шашу шашты. 

Аудандық сот пен аудан әкімі жанындағы әйелдер істері және отбасы-демографиялық саясат жөніндегі комиссия ұйымдастырған басқосуда «Отбасылық сот» пилоттық жобасы аясында түсірілген бейнефильм көрсетілді. Кездесуге аудан әкімінің орынбасары М.Сейтімбетов пен аудандық соттың төрағасы Т.Машрапов, ауданның бас имамы Т.Төлебеков пен білім бөлімі жанындағы қамқоршылық кеңесінің төрағасы А.Белқожа, прокуратура және полиция қызметкерлері, жергілікті тұрғындар қатысты. 

Бүгін Шардара қаласының спорт кешеніндеШардара ауданының құрылғанына 55 жыл толуына арналған ауыр атлетикадан 2003 жылдан төмен туылған жасөспірім ұлдар және қыздар арасында Түркістан облысының ашық кубогының ашылу салтанаты өтті. 

Бүгін Шымкент қаласында компаниялар мен экспорттаушылар үшін жетекші аймақтық халықаралық шара болып саналатын Орталық Азия сауда форумы ашылды. Бұл – Шымкент қаласы әкімдігі мен USAID-тың қолдауымен жыл сайын дәстүрлі түрде өтетін тоғызыншы форум. 

Түлкібас ауданына қарасты Майтөбе ауылының кіреберісінде елді мекен атауы жазылған жаңа стелла бой көтеріп жатыр. Ағымдағы жылдың тамыз айында бастау алған нысанның құрылысы бүгінгі таңда 80 пайызға жетіп қалды. 

Арыс қаласында Түркістан облысы ауыл шаруашылығы басқармасының ұйымдастыруымен бұқаралық және ұлттық спорт түрлерін дамыту, тұрғындар арасында салауатты өмір салтын қалыптастыру мақсатында «ALTYNKÚZ – 2019» облыстық спорттық сайысы өтті. Шараға Түркістан облысы мен аудан және қалалардың ауыл шаруашылығы саласында еңбек етіп жүрген 400-ге жуық мемлекеттік қызметкер қатысты. 

Түркістан қаласында 6-7 қараша күндері «Әзірет Сұлтан» мемлекеттік тарихи-мәдени қорық-музейі» РМҚК және Қожа Ахмет Ясауи атындағы Халықаралық қазақ-түрік университетінің ұйымдастыруымен «Ұлы даланың ұлы есімдерін» ұлықтау мақсатында және «Жастар жылына» орай дәстүрлі «Ясауитану-2019» республикалық байқауы өтті. 3 кезең, 4 ереже, 7 міндеттен тұратын бұл сайысқа еліміздің 17 өңірінен дарынды оқушылар қатысты. 

Мамандардың сөзінше, қуаты аз, ескірген генераторлардың орнына СЭС-ті жаңғырту бағдарламасы аясында 2019 жылдың бірінші жартысында әрқайсысының қуаты 31,5 МВт болатын екі жаңа су агрегатының (ГА-1 (2019 жылғы 25 ақпанда) және (ГА-2 (2019 жылғы 28 сәуірде) пайдалануға берілуі генерациялау жоспарын асыра орындауға мүмкіндік берді.  «Шардара СЭС» АҚ 2019 жылдың басынан бері жоспарланған 301 900 мың кВт сағаттың орнына 403 655 мың кВт сағаттан астам электр энергиясын өндірді. Осылайша су электр станциясы электр энергиясын генерациялаудың жылдық тапсырмасын мерзімінен бұрын орындады.  

«…Ауданымызда ауыл шарушылығы саласы өсіп, өркендеп, дамып келеді. Ол үшін көптеген мемлекеттік бағдарламалар жасалып, осы бағытта тиісті жұмыстар атқарылуда. Мәселен, биыл Мақтаарал ауданының диқандары 60 926 гектар жерге егін екті. Оның ішінде 38 185 гектары мақта, 11 502 гектары бақша, 3 178 гектары дәндік жүгері, 2 055,4 гектар жерге көпжылдық екпе, 2 003 гектары жаңа жоңышқа, 1 827,6 гектары түрлі көкөністер, 1 615 гектары күріш, 500 гектары сүрлемдік жүгері, 152 гектары маш, 47 гектары жаздық бидай және 54,2 гектар жерге картоп егілген болатын.