Акцияның мақсаты – мемлекеттік рәміздерді насихаттау, жастарды патриоттыққа тәрбиелеу. Сондай-ақ азаматтардың мемлекеттік туды пайдалануға және орнатуға тыйым салу туралы қоғамда қалыптасқан кері көзқарасын жою. Себебі, кезкелген мекеме немесе жеке тұрғын үйлергерәміздерді ілуге болады. Тек оның күтімі мен беделіне нұқсан келмеуін қамтамасыз ету қажет.

Шара барысында ұйымдастырушылар мен аудан жастары халыққа ҚР Туының жалаушаларын таратты. Мемлекеттік рәміздердің маңызыннасихаттап, әнұранды шырқады.

«Мемлекеттің рәміздерге құрмет – барша азаматқа ортақ міндет. Ұлттық рухты оятатын патриоттық шара ауданда әлі де жалғасын табады» - дейді Сарыағаш аудандық жастар ресурстық КММ басшысы Қанат Иматов. Ұйымдастырушылар акцияны басқа да мекемелерге жолдап, көк ту астында жұдырықтай жұмылуға шақырды.

«AQ-QARA.KZ»-ақпарат.