Конференцияда сөз алған «Нұр Отан» партиясы Түркістан облыстық филиалы төрағасының бірінші орынбасары Нұрмахан Жолдасов күн тәртібіндегі бірінші мәселе – партияның аудандық филиалының төрағасын сайлау бойынша сөз сөйлеп, филиал төрағалығына Жетісай ауданының әкімі Жамантай Бейсенбаевтың кандидатурасын сайлауды ұсынды. Нәтижесінде делегаттардың бірауыздан қолдауымен «Нұр Отан» партиясы Жетісай аудандық филиалының төрағалығына аудан әкімі Жамантай Қанайұлы Бейсенбаев сайланды.

Жиын барысында сөз алған аудан басшысы өзіне жүктелген зор жауапкершілік пен сенімді ақтайтынын жеткізді. «Маған білдірген үлкен сенімдеріңізге рахмет. Біріншіден, үлкен жауапкершілік, міндет, алдағы уақытта сіздермен бірлесіп, қоян-қолтық жұмыс істеп, барлық міндеттерді абыроймен орындаймыз деп сенемін. Аудан экономикасын өркендетіп, партия беделін жоғарылата беруге бар күш-жігерімді жұмсаймын», - деді Жамантай Қанайұлы.

«AQ-QARA.KZ»-ақпарат.