Жобалық кеңсенің негізгі мақсаты азаматтардың мемлекеттік билік институттарына сенімін арттыру, жемқорлық деңгейін төмендету және сыбайлас жемқорлықты қабылдамаудың қоғамдық ахуалын қалыптастыру болып табылады. Іс-шара барысында Агенттік тарапынан А.А.Шайымова мен облыс әкімдігі тарапынан облыс әкімінің орынбасары М.Н.Отарбаев «Түркістан – адалдық алаңы» жобасы аясында бірлесіп жұмыс атқару туралы құжатқа қол қойды.

Атап өтерлігі, жоба Астана қаласының тәжірибесі негізінде жүзеге асып жатыр. Оның аясында бірқатар мәселелерді шешу көзделген. Яғни мемлекеттік қызметте кедергісіз және жайлы жағдай жасау, сыбайлас жемқорлық жағдайларын туғызбайтын лайықты еңбекақы тағайындау, қоғамда сыбайлас жемқорлықты қабылдамауды қалыптастыру бойынша нақты шараларды енгізу, ашықтық пен ауқымды қоғамдық бақылауды қамтамасыз ету, мемлекеттік сатып алу саласының ашықтығын арттыру, сот және құқық қорғау жүйесін сервистік форматқа ауыстыра отырып, сапалы өзгерістер енгізу.

«AQ-QARA.KZ»-ақпарат.