1536 пәтерден тұратын баспаналардың 1200 пәтері (20 тұрғын үй) арендалық саналса, қалған алтауы, яғни 336 пәтер – кредиттік баспаналар қатарында. Іргетасы осы жылдың қыркүйек айында қаланып, мемлекеттік бюджет есебінен салынып жатқан 60 пәтерлі 20 тұрғын үйдің 11-і (660 пәтер) 2019 жылдың сәуір айында тапсырылады. Ал 9 тұрғын үй (540 пәтер) келер жылдың қараша айында ел игілігіне берілмек. Кредиттік көпқабатты 6 тұрғын үйдің (336 пәтер) құрылыс жұмыстары 2019 жылдың маусым айында аяқталып, пайдалануға тапсырылмақ.

Жаңа әкімшілік-іскерлік орталықта мемлекеттік-жекешелік әріптестік арқылы 280 орындық жаңа балабақшаның құрылысы жүріп жатыр. Сондай-ақ 900 орындық мектептің тұсауын алдағы жаңа оқу жылына дейін кесу жоспарланған.

Мұнда басқармалар мен департаменттер үйлері және 5 жұлдызды «Риксос» қонақүйінің құрылысы басталып кетті.

«AQ-QARA.KZ»-ақпарат.