«Шымкент қаласы 2018 жылы республикалық қала мәртебесін алған миллионды қалаға айналды. Сондай-ақ Шымкент 2020 жылы ТМД елдерінің мәдени астанасы болып белгіленді. Осының аясында көптеген іс-шаралар өткізу жоспарлануда. Бұдан бөлек Қазақстанда Абай Құнанбайұлының 175 жылдығы мен әлемнің екінші ұстазы атанған Әбу Насыр әл-Фарабидің 1150 жылдығын атап өтеміз. Осы орайда саяхаттауды жақсы көретін жапондықтарды аталған іс-шараларға қатысуға және қаламыздың тарихи-мәдени мұрасын тамашалауға шақырамын»,-деді Е.Айтаханов.

Әкім қаланың әлеуметтік- экономикалық ахуалы мен өндірістік-аграрлық саланың даму қарқынын баяндап, еліміздің үшінші мегаполисінде шетелдік инвесторлар үшін барлық қолайлы жағдайлар қарастырылғанын да атап, жапондық кәсіпкерлерді қонақ үй мен мейрамхана бизнесіне және ауыл шаруашылығы өнімдерін қайта өңдеу саласы мен машина құрастыру саласына инвестиция салуға шақырды.

«AQ-QARA.KZ»-ақпарат.