Аталмыш білім ордасында бірнеше ұлттың баласы оқиды. Бір шаңырақ астына шоғырланғандар салт-санаға толы түрлі қойылым қойды. Қазақ жастары ұлтымызға тән тұрмысты айнытпай көрсетті. Ұлттық құндылықтарды ұлықтаған шәкірттер спорттық шеберліктерін де паш етті. Іс-шара барысында аудандағы тұрмысы төмен отбасыларға әлеуметтік көмек көрсетілді. Кеш қонақтары колледж студенттері жасаған қолөнер бұйымдарын тамашалап, жоғары баға берді. Бағдарлама «Балауса» бөбекжай балабақшасында ұласты.

Шара соңында аудандық мәдениет үйiнде зиялы қауым өкілдері еркiн форматтағы дөңгелек үстелде бас қосты. Онда туған жерді түлету тұрғысында ұтымды ұсыныстар айтылды. Қоғамға қозғау салатын ойлар ортаға салынды. Жиын өскелең ұрпақтың елге, туған жерге деген сүйіспеншілік сезімін қалыптастыруға септігін тигізді.

«AQ-QARA-KZ» - ақпарат»