Педагогикалық мамандар даярлайтын колледж студенттерінің қатысумен өткен кездесуде ҚР Чернобыль одағы қауымдастығы" Республикалық қоғамдық бірлестігінің төрағасы, Түркістан облыстық қоғамдық келісім мекемесінің бөлім басшысы Бахытжан Аширбаев Жолдау бойынша баяндама жасады: «Президент Қасым-Жомарт Тоқаевтың «Сындарлы қоғамдық диалог – Қазақстанның тұрақтылығы мен өркендеуінің негізі» Жолдауы еліміздің қарқынды дамуына жаңа серпін береді. Ел дамуында маңызды орын алатын құжат халықтың әл-ауқатын арттыруға жол ашады, елімізді дамудың жаңа кезеңіне жетелейді. Жолдау әрбір қазақстандыққа қатысты. Жолдауда айтылған тапсырмаларды бұлжытпай орындау өз болашағымызға жол ашудың бірден бір жолы. Сондықтан, бойларыңыздағы бар күш-қуаттарыңызды еліміздің көркеюіне салып, мемлекет дамуына өз үлестеріңізді қосуға шақырамын», – деді ол.

Кездесуде «Шаңырақ» қоғамдық бірлестігінің төрайымы Сабира Мұратқызы: - Сындарлы қоғамдық диалог дегеніміз – өздеріңіздің өмір сүру тіршіліктеріңізден туындаған ойыңыз бен пікіріңізді қоғамға еркін білдіріп, ашып айту. Ашық диалогтық алаңдар құру тұрмыс сапасын жақсартуға септігін тигізіп, халқы¬мызды алға жетелейді, - дей келе Жолдаудың тәуелсіз еліміздің тұрақты дамуына жол ашатын, халық игілігіне ба¬ғытталған маңызды құжат екенін түсіндіріп, жастарды белсенді болуға шақырды.Кездесу соңында студент жастар өз сұрақтарын қойып, пікір алмасты.

«AQ-QARA-KZ» - ақпарат»