Осыған орай бүгін Келес ауданы әкімінің аппараты және 12 ауылдық округінде ашық есік күндері өткізілді. Жалпы саны 53 азаматжеке мәселелерімен келді. Аудан әкімі Ақментай Үсенұлы сағат 09:00-де бастаған жеке қабылдауына келген 22 тұрғынды қабылдады. Ал тіркеу парақшасында 14 азамат еді. Қабылдау барысында 8 аудан тұрғыны келіп қосылды. Негізгі мәселелер ауызсу, жер, жол, атаулы әлеуметтік көмек және кәсіпкерлік бағыты болды. Қабылдауға келген әрбір адамның мәселесі бойынша тиісті бөлім басшылары қатысып отырды және сол қабылдау барысында бөлім басшыларына нақты тапсырмалар берді.

"Жеке қабылдауды кестеге сәйкес аптаның әр дүйсенбісінде өткізіп тұрамын. Оған қоса орынбасарларымныңда өздерінің жеке қабылдауының кестесі жасалған. Жеке қабылдауға келген тұрғындардың 90 пайызына жуық мәселесі шешілген. Ал енді республикада және облыста шешілетін түйіткілді жағдайларменде келетін азаматтарға, тиісті органдарға хат жолдап, мәселенің оң шешім табу үшін жұмыс атқардық. Жеке қабылдауға келген әрбір азаматтың мәселесі шешілу керек "-деді Келес ауданының әкімі Ақментай Есбаев.

«AQ-QARA.KZ»-ақпарат.