Мақтааралды көркейту жұмыстары қарқынды жүріп жатыр. Аудан орталығы Мырзакенттің келбетін ашатын бірнеше әлеуметтік орындардың құрылыс жұмыстары қызды. Жыл соңына дейін пайдалануға беріледі деп жоспарланған демалыс аймағында тұрғындардың сейіл құрып, тынығуына жағдай жасалуда.

Биылғы ҰБТ қорытындысы бойынша елімізде тек бір ғана оқушы ең жоғары 140 балл жинаған. Ол - Қасымжан Жұбай есімді Сарыағаш ауданының түлегі. «Жаскешу» деп аталатын алақандай ауылдағы орта мектепті 11 жыл бойына үздік оқыған жас мұндай жетістікке қажырлы ізденіс, мақсатшыл талпынысы арқасында жетіп отыр.

Түркістан облысы Сарыағаш қаласында «Нұрлы жер» бағдарламасы аясында көпқабатты 13 үйдің құрылысы аяқталуға жақын. Деморгафиялық өсу қарқыны аса жоғары аймақта соңғы қырық жылдың ішінде алғаш рет осындай көлемде баспана салынуда. Әр үйдің тұрғызу үшін қазынадан 396 миллион теңге бөлінді. Осындай ауқымды құрылыстың арқасында баспана кезегін күткен 500-ден астам отбасы тамыз айында пәтерлі болмақ.

Түркістан облысы Шардара ауданының су жаңа әкімі Қайрат Жолдыбай өзінің әкімдік қызметтегі алғашқы жұмыс күнін шағалалы Шардарадағы бірқатар нысандарды аралаудан бастады.

Бүгін Түркістан облыстық «Қазақстан халқы Ассамблеясы» ғимаратында медиаторлардың біліктілігін арттыру мақсатында арнайы жиын өтті. Жиынды облыстық ҚХА төрағасының орынбасары-хатшылық меңгерушісі Ғ.Рысбеков ашып, медиация саласында атқарылған жұмыстар туралы баяндады.

Жетісай ауданы Қазыбек би ауыл округіне қарасты Қазыбек би ауылының №6 кітапханасында балалар және ауыл тұрғындарының қатысуымен «Ұрпақ тәрбиесі - ұлағатты іс» атты тәрбие сағаты өтті. Іс-шараның мақсаты – оқырмандардың бойына адамгершілікті қалыптастыру, ұрпақ тәрбиесі - ұлағатты іске баулу.

Мақтаарал ауданы әкімдігінің мамандары Арыс қаласындағы 8-ші секторда төтенше жағдайдан зардап шеккен арыстықтарға 100 мың теңге көлемінде бір реттік өтемақы алу бойынша 645 отбасы, 3020 тұрғыннан құжаттар жинақтап үлгерді. Бұл туралы секторға жауапты аудан әкімінің орынбасары Бейсенбай Төребеков хабарлады.

ҚР Премьер-Министрі Асқар Мамин Арыс қаласындағы зардап шеккен үйлерді, әлеуметтік нысандар мен инженерлік желілерді қалпына келтіру жұмыстарының барысымен танысу мақсатында  жұмыс сапарымен Түркістан облысына барды. ҚР Үкіметінің басшысы өңірлік штабтар жұмысын тексеріп, «Көктем-1», «Көктем-2» ықшам аудандарындағы тұрғын үйлердің, мектеп, балабақша, темір жол вокзалы ғимараттарының, қалалық аурухананың қалпына келтірілу қарқынын көрді. ҚР Премьер-Министрі сонымен қатар Халыққа қызмет көрсету орталығына барды. Түркістан облысының штабында Асқар Маминге Арыс қаласының тұрғындарына 100 мың теңгеден өтемақы төлеу бойынша жүргізіліп жатқан жұмыстар туралы баяндалды.

Қазіргі таңда Медициналық сақтандыру қорына еліміз бойынша 186,2 млрд. теңге көлемінде жарна аударылған. Жинақталған жарнаның 5,7 пайызы Түркістан облысының үлесіне кіреді. Жинақталған қаржы Ұлттық банкте сақталып, 2020 жылдан бастап МӘМС шеңберінде көрсетілген қызметтер ақысын төлеуге жұмсалмақ. Бұл туралыТүркістан облысы өңірлік коммуникациялар қызметінде өткен брифингте «Әлеуметтік медициналық сақтандыру қоры» КЕАҚ Түркістан облысы бойынша филиалының директоры Асхат Бейсенбаев мәлімдеді.

Италияның Неаполь қаласында ХХХ дүниежүзілік универсиада өтіп жатыр. Аталмыш додада дзюдадан абсолюттік салмақ дәрежесінде Қазақстан тұңғыш алтын медаліне қол жеткізді.