Шымкент қаласында 1 маусым – халықаралық балаларды қорғау күніне орай биыл екінші рет «ШАБЫТ» жас музыканттар шеруі ұйымдастырылды. Еліміз бойынша дәстүрлі түрде өткізілетін шеруге ОҚО көлемінде 200 мыңға жуық оқушы қатысты.
Естеріңізде болса таяуда Шымкент қаласының әкімі Нұрлан Сауранбаев қалада өткізіліп келе жатқан азық-түлік жәрмеңкесіндегі саудагерлерден құралған бастамашыл топ пен құқық қорғаушылардың қатысуымен өткен қала әкімдігіндегі жиналыста жәрмеңкенің ары қарай да өткізіле беретінін айтып еді.
Мамыр айында Астанада өткен экономикалық форумда мемлекет басшысы өз сөзінде «Егер бізде бұған дейін миллион тұрғыны бар тек Алматы қаласы болса, қазір үш мегаполисіміз бар – Алматы, Астана және Шымкент қалалары»,-деген болатын. Осы мәлімдемеден кейін Шымкент облыс орталығы мәртебесін сақтап қала ма әлде республикалық маңызы бар қалаға айнала ма деген сауалдар жиі қойыла бастады.
Құрметті Шымкент қаласының тұрғындары!
Шымкенттің төрт ауданында қаланың дәрежесіне орай конференциялар өтті. Еске салайық, 17 мамыр күні Мемлекет басшысы Шымкент үшінші миллионды қала атанғаны туралы ресми мәлімдеген болатын.
Шымкенттің әкімшілік іскерлік орталығындағы әуенді субұрқақты жөндеу жұмыстары аяқталды. Таяуда бұл нысанға жауапты «Жасыл қала» мекемесі ұрланған электр желілерінің орнына жаңасын орнатып, жөндеу жұмыстарын жүргізген болатын. Соның арқасында субұрқақ бейсенбі күні, яғни 31 мамырда іске қосылып отыр. Іске қосылып қана қоймай, әуезді әуені тынығушыларға қуаныш сыйлауда.
«Шымкент қаласындағы Асанбай Асқаров және Бейбітшілік көшелерінде екі Арбат құрылысы басталады» деген әңгіме шыққалы, облыстық орыс драма театры ұжымынан маза қашқан. Өйткені «Мәдениет ошағының бір бөлігі сүріледі-міс» деген сөз мұндағы қызметкерлердің құлағына да жеткен.
«Ауыл шаруашылығының өзінен 1 жылда 14 миллиард теңге өсім бермек ниеттеміз»
Өткен сенбі күні «Балмұздақтан келген кесел жеңіл-желпі ме?» (http://aq-qara.kz/densaulyk/item/508-balm-zdaktan-kelgen-kesel-zhe-il-zhelpi-me) деп мақала жазып едік. Онда Шымкенттегі сауда нүктелерінің бірінен сатылған балмұздақты жеп, ересегі бар, ересек емесі бар – бірқатар адамдардың уланып қалғанын, ал наурыздың 29-ынан бері облыс орталығындағы жұқпалы аурулар ауруханасына түскен науқастардың саны күрт артып жатқанын айтқанбыз. Сондай-ақ «Қаншалықты рас-өтірік екенін білмейміз, әйткенмен аталмыш медициналық мекеме маңайында туыстары үшін мазасыз күй кешіп жүрген жандардың сөзіне сенсек, бүгінгі таңда балмұздақтың кесірінен аурухана төсегіне таңылғандардың қарасы 100-ден асқан көрінеді» деп едік. Бірақ сол күні түсте www.24.kz сайтынан «Шымкентте балмұздақтан уланған адамдар саны 50-ге жетті. Бұл туралы облыстық денсаулық сақтау басқармасының баспасөз қызметі мәлімдеді» (http://24.kz/kz/zha-aly-tar/o-am/item/230661-shymkentte-balm-zda-tan-ulan-an-adam-50-ge-zhetti) деген ақпаратты көзіміз шалды. Сөйтсек, біздің алаңдайтынымыздай-ақ бар екен...
«Құдай бір айналдырғанды шыр айналдырады» деген рас-ау, соңғы уақытта Оңтүстік Қазақстанды республикаға келеңсіз жағынан мәшһүрлеген жаға ұстатар оқиғалар көбейіп кетті. Енді 2-3 күннен бері Шымкентте дабыл қағылып жатыр. Адамдар балмұздақ жеп уланыпты. Наурыздың 29-ынан бері облыс орталығындағы жұқпалы аурулар ауруханасына түскен науқастардың саны күрт артқан. Оларға «асқынған ішек инфекциясы және астан улану» деген алдын ала диагноз қойылып отыр.