«TURKISTAN INVEST» инвестициялық компаниясы баспасөз қызметінің мәліметінше, зауыттардың бірін салуға инвесторлар 5 миллиард 475 миллион теңге қаражат салған. Нысанның жалпы аумағы - 13 гектарды құрайды. 250-300 адамды жұмыспен қамтитын кәсіпорыннның өндірістік қуаты жылына 150 мың тоннаға жететін көрінеді. Дайын өнім толықтай Қытай еліне тасымалданады. Бүгінгі күні мұнда өндірістік ғимараттардың құрылысы жүргізілуде. Нысанға қажетті жабдықтар мен техника жеткізілген.

Ал, екінші зауыттың құрылысын қаржыландыру өзбекстандық инвестициялар есебінен жүргізілуде. Жобалық құны 890 млн теңге болатын нысан «Шардара» индустриялдық аймағында 10 гектар жерге салынуда. Өндірістік қуаттылығы 50 мың тонна болатын зауытта 50 жұмыс орны ашылады деп жоспарланып отыр. Қазіргі уақытта нысанда құрылыс-монтаждау жұмыстары жүргізілуде. Бұл компанияның өнімдері де Қытайға экспортталмақ. 

«AQ-QARA-KZ» - ақпарат»