Түркістан облысында  60 тан астам тарихи және мәдени ескерткіш бар. Оның  20-дан астам нысан республикалық маңызы бар қасиетті, киелі жерлер тізіміне енгізілген. «Тарихы терең Түркістан» атты ақпараттық саяхаттың мақсаты киелі орындар тізіміне енген нысандарды көпшілікке  таныстыру, насихаттау, танымалдығын арттырып,  ішкі туризмді дамыту. Ұлы дала елінің өткені мен бүгінін рухани байланыстыру. Өткен тарихымызды бүгінгі өскелең ұрпақтың ойына сіңіру.

Журналистер мен белсенділер  сапар аясында  әрбір кесене жайлы халық ауызынан естіп білген тың деректерімен әлеуметтік желілерде  бөлісіп отырды. Айта кетейік,  «Тарихы терең Түркістан» атты ақпараттық турды Түркістан облысының қоғамдық даму басқармасының тапсырысы бойынша «Open Kazakhstan» ЖШС ұйымдастырды.

«AQ-QARA-KZ» - ақпарат»