Түркістан облысы Сарыағаш аудандық орталық кітапханасы мен Сарыағаш аудандық соты бірлесе отырып, «Coworking» орталығында 1 желтоқсан Қазақстан Республикасының Тұңғыш Президенті күніне орай «Жырым саған арналады, Елбасы!» атты байқау ұйымдастырды.

Түркістан облысы Жетісай ауданының «Сырдария» университетінің «Қазақстан» студенттер сарайында Мемлекет басшысының «Ұлы даланың жеті қыры» атты мақаласы аясында жастарға тарихи – тағлым насихаттау іс-шарасы өтті.

Келес ауданының Біртілек ауылдық округінде орналасқан Т.Бегманова жалпы орта мектебінің думан залында Түркістан облысы Өзбек этномәдени бірлестігі, Келес ауданы Өзбек этномәдени бірлестігі кеңесінің мүшелері халықпен кездесіп, арнайы жиын болып өтті.

1 – желтоқсан Тұңғыш Президент күні қарсаңында Елбасының шағын және орта кәсіпкерлікті қолдауы арқасында Келес ауданы Абай ауылының тұрғыны Алтынбаев Өмірсерік Әлібайұлы өз қаржысы есебінен «Qagaz» атты шағын цех ашып, бүгінгі таңда 7 адамды тұрақты жұмыспен қамтып отыр. Шағын цехтың негізгі қызметі шаруашылық сабыны және дәрет қағазын шығарумен айналысады.

Отырар ауданында Қазақстан Республикасының Тұңғыш Президенті күні  мерекесіне орай «Елін сүйген, елі сүйген – Елбасы» атты тақырыппен дөңгелек үстел өтті. Аталған шараға аудан әкімі Ерлан Айтаханов қатысып, кемеңгер басшының ел тарихындағы сан қилы кезеңдерде оң шешім қабылдап, мемлекетімізді әлем елдерімен тең дәрежеде дамытуға өзіндік қосқан үлесі жайында сөз етті. Қонақтар алдымен Отырар мемлекеттік археологиялық қорық-мұражайы мен аудандық орталық кітапхананың «Елбасы-Ұлт Көшбасшысы» атты көрмелерін тамашалағанын айта кетейік.

Таяуда Жетісайда аудандық «Жастар ресурстық орталығының» ұйымдастыруымен «Екі жұлдыз» ән байқауы өтті. Байқаудың алғашқы кезеңінде 28 жұп қатысып, ақтық сында 7 жұп өнер көрсетті. Ән байқауы 1 желтоқсан – Қазақстан Республикасының Тұңғыш Президенті күні мерекесіне орайластырып ұйымдастырылғанын айта кетейік.  

1 желтоқсан – Тұңғыш Президент күніне орай Мақтаарал ауданында 7 мыңнан аса ағаш көшеті отырғызылды. Аудан әкімі Бақыт Асановтың бастамасымен ұйымдастырылған көгалдандыру іс-шарасына барлық мемлекеттік қызметкерлер атсалысқанын айта кетейік.

Жетісай ауданы әкімдігінде басым дақылдардың құнын субсидиялау қағидасының талаптарын түсіндіру мақсатында алқалы жиын өтті. Мәжіліске Түркістан облысы ауыл шаруашылығы басқармасы басшысының орынбасары Тұрғынбек Оспанов, Түркістан облысы ауыл шаруашылығы басқармасының бас маманы Әлібек Пләлов, Жетісай ауданы әкімінің орынбасары Асан Маханбетов және ауыл округ әкімдері, мақта өңдеу зауыттары мен фермерлік шаруа қожалықтарының басшылары қатысты. 

Түркістан облысының әкімі Жансейіт Түймебаев арнайы жұмыс сапарымен Кентау қаласына барды. Сапар барысында ондағы бірқатар нысандарды аралап, атқарылып жатқан жұмыстармен танысты. Алдымен аймақ басшысы Оранғай ауылдық округіндегі «Әл-Береке» ауыл шаруашылығы өндірістік кооперативіне аялдады. 2016 жылы құрылған нысан көкөніс және жеміс-жидектерді қайта өңдеу, сақтау және дайын өнімді өткізу шаруаларын атқаруға бағытталған.

1 желтоқсан – Қазақстан Республикасының Тұңғыш Президенті күніншардаралықтар аудан орталығындағы «Абай» мәдениет сарайында атап өтті. Еліміздің әнұраны орындалып болған соң, аудан әкімінің міндетін атқарушы Қайрат Жолдыбай мерекелік құттықтау сөз сөйледі.