Мәдениет сарайының ұйымдастыруымен өткен тартысқа толы байқаудың өзі екі кезеңді қамтыды. Бірінші кезеңінде қазақ ұлттық билерін билесе, екінші ретро кезеңіне саяхат жасады. Әділқазы алқасының мүшелері жалпы ұпай санын есептеп, бір ғана кезеңде жеңімпаз атанбайтынын, келесі кезеңде көп ұпай жинауға мүмкіндік барын ескертіп, бишілерге ІІ кезеңге арнайы тапсырмалар берді. Ал сіз өз кезегіңізде би әлеміне саяхат жасағыңыз келсе, қызықты би жарысын көргіңіз келсе, келер аптаның дүсенбісінде, яғни 25 қарашада келуге асығыңыз. Өтетін орны: Шәмші Қалдаяқов атындағы қалалық мәдениет сарайының концерт залы. Басталуы: сағат 15:00-де. Жас өнерпаздарға қолдау көрсетуге келген ағайынға алғыстан өзге айтарымыз жоқ. Жалпы, мұндай мәдени шаралар жастарға өнерпаз болуға серпін берері хақ.

«AQ-QARA.KZ»-ақпарат.