Рухани керуен құрамында ауданға келген Түлкібас ауданының бас имамы Серік Мағаздар дін саласындағы мемлекеттік саясатты жүзеге асыру, діннің асыл құндылықтарын, ұлттық, мәдени салт-дәстүрімізді дәріптеу бағытында сөз өрбітіп, Қазақстан Республикасының еңбек сіңірген спорт шебері, самбодан үш дүркін әлем чемпионы Оспанов Арман Әшімханұлы жастарды өз Отанын сүюге, нағыз елдің азаматы болуға шақырды. Кездесуде аудандық ардагерлер кеңесінің төрағасы Т.Бердібеков «Түркістанның рухани керуені» мүшелеріне ағалық алғысын жеткізді. Кездесу соңында аудан әкімінің орынбасары Б.Шомпиев келген қонақтарға табыстарға жетуін айта келе, аудан әкімінің алғыс хаттарымен марапаттап, сый-сияпат көрсетті.

Мәдениет сарайындағы кездесуден соң «Түркістанның рухани керуені» мүшелері Шардара қаласындағы армспорт кешенінде жас спортшылармен кездесіп, жас спортшыларға өз тілектерін білдіріді. Қазақстан Республикасының еңбек сіңірген спорт шебері, самбодан үш дүркін әлем чемпионы Оспанов Арман Әшімханұлы мұндай спорт кешенін шет елдерден көргенін айтып, жас спортшыларға жеңіс тек еңбекпен келетінін атап өтіп, биік белестерді бағындыра берулеріне, тілегін білдірді. Осы спорт кешенінде аудан әкімінің орынбасары Б.Шомпиев Арман Оспановқа ауданның 55 жылдығына орай шығарылған төсбелгіні және Армспорт клубының арнайы белгісін барлық спортшылардың қатысуында салтанатты түрде табыстады. Шара барысында барлық рухани керуен құрамында келген қонақтарға аудан әкімінің Алғыс хаттары мен Армспорт клубының арнайы белгісі тапсырылып, жұмыстарына сәттілік тіледі.

«AQ-QARA.KZ»-ақпарат.