Жылдың  ең маңызды деген Конфедерация жарысы осымен  төртінші  мәрте  ұйымдастырылды. Конфедерация кубогінің  бокс  бәсекесінде Түркістан  облысының  талантты спортшылары  бас  жүлдені  жеңіп  алды. Ақтық  сында Нұр–Сұлтан  қаласының  боксшыларымен  жекпе-жек  өткізген  түркістандықтар 5:3 есебімен жеңіске  жетті. Бұған  дейін  де  облыстың  ең  дарынды  деген   былғары  қолғап  шеберлері  екі  рет Конфедерация  кубогінде жеңіс  шыңын  бағындырған  болатын. Бокстан  облыс  құрамасының  білікті  бапкерлері Мырзағали  Айтжанов  пен Олжас  Оразалиев жауапты кездесуге түркістандық  боксшылардың жоғары  деңгейде  дайындықпен  барғандықтарын  жеткізді.

Еліміз  бойынша  мықты деп танылған  спортшылардың  бағы  мен  баптарын  шыңдаған  бұл  аламан  доданы Ұлттық  олимпадалық  комитеттің  президенті Тимур  Құлыбаев жоғары  деңгейде   ұйымдастырылғанын атап өтті. Бокстан әлем  чемпионы, Түркістан облысының  ең  талантты  боксшысы Қайрат  Ералиев Конфедерацияның кубогінде  облыс  құрамасын ғаламат  жетістікке бастап  шықты.

AQ-QARA-KZ» - ақпарат»