Сарыағаш ауданында Елбасының «Болашаққа бағдар: рухани жаңғыру» бағдарламалық мақаласы аясында көшпелі жиын өтті. Облыс әкімі Өмірзақ Естайұлының арнайы тапсырмасына сәйкес қолға алынған жиын «Дәстүрлі құндылықтар керуені» тақырыбында өрбіді. Мақсат – мәдени және рухани құндылықтарды жаңғырта отырып, діни тұрғыда дұрыс сауат қалыптастыру.
Нұрсұлтан Назарбаев «Nur Otan» партиясы Саяси кеңесінің кеңейтілген отырысында «Сенім. Диалог». Болашаққа нық қадам – «NurOtan» партиясының 7 серпіні» атты партия жұмысын жүйелі жаңғырту бағдарламасы ұсынған болатын. Осыған орай Түркістан облысы Сарыағаш аудандық мәдениет үйінде «NurOtan» партиясы аудандық филиалының жиыны өтті.
Түркістанның бас жоспары дайын. Оны өзге емес өзіміздің елдің сәулетшілері дайындады. Нақтырақ айтар болсақ, рухани орталықтың келешек келбетін «Астана» бас жоспар жобалау институтының мамандары әзірлеген. Бүгінде облыстық мәслихатта мақұлданып, министрліктерден мүдірмей өткен жоба үкімет отырыса ұсынылды. Жоба жетекшілерінің айтуынша көне шаһардың бас жоспары алдағы 30 жылға межеленген.
Түркістан қаласына кіреберісте әлемдегі озық тәжірибелерді ұштастырған еңселі мешіт бой көтереді. Үкімет басшысы Асқар Мамин Түркістан облысына сапары барысында облыс әкімі Өмірзақ Шөкеевпен бірге Өзбекстан Республикасы өкілдерінің қатысуымен Ислам орталығының іргетасын қалады. Сәулеті ерекше Ислам орталығының ішкі және сыртқы безендірілуі шығыстық нақышта жүргізілмек. Мешіт алдағы 2020 жылы ашылады.
Ұлт руханиятына, қазақ журналистикасына үлкен үлес қосып келе жатқан «Оңтүстік Қазақстан» газетіне биыл - 95 жыл. Осыған орай, Түркістан төрінде салтанатты шара өтті. Мерейтойда «Оңтүстік Қазақстан» газетінің редакция ұжымына ҚР Президенті Қасым-Жомарт Тоқаевтың Алғыс хаты, ҚР Парламенті Сенатының бірнеше депутаттарының, ҚР Ақпарат министрі Дәурен Абаевтың, ҚР Президентінің баспасөз хатшысы Берік Уәлидің құттықтау жеделхаттары тапсырылды.
«Оңтүстік Қазақстан» газетінің 95 жылдығына орай өткен форумға Қызылорда, Жамбыл, Түркістан облыстары мен Шымкент қаласында орналасқан БАҚ басшылары және ғалымдар қатысты. Жиында ғалым Құлбек Ергөбек, «баспасөзді кім қаржыландырса да, тәуелсіздігіне тимеу керек» деген пікір айтты. Сондай-ақ, пошталар газетті оқырманға жеткізу ісін дұрыс ұйымдастырмайтындығын сөз етті.
Түркістан облысына іс-сапармен келген ҚР Премьер-Министрі Асқар Мамин облыс орталығында салынып жатқан бірқатар құрылыс нысандарын аралады. Үкімет басшысы Түркістан облысының әкімі Өмірзақ Шөкеевпен бірге мемлекеттік-жекешелік әріптестік аясында «Sembol construction» түрік компаниясы қолға алған «Керуен-сарай» көпфункционалды туристік кешен құрылысын іске қосты.
Түркістан қаласына жұмыс сапары аясында ҚР Премьер-Министрі Асқар Мамин қаланы дамыту мәселелері жөнінде кеңес өткізді. Атқарылып жатқан жұмыстар барысы туралы Түркістан облысының әкімі Ө. Шөкеев, мәдениет және спорт министрі А. Райымқұлова, Атырау облысының әкімі Н. Ноғаев, Ақтөбе облысының әкімі О. Оразалин, Шымкент қаласының әкімі Е. Айтаханов, сондай-ақ басқа өңірлер мен қала құрылысына жауапты мердігерлер өкілдері баяндады.