Власть и политика

Түркістан облысында «дәстүрлі құндылықтар керуені» көшпелі жиыны өтіп жатыр

Түркістан облысының аудан, қалаларында облыс әкімі Жансейіт Түймебаевтың арнайы тапсырмасына сәйкес, халыққа мәдени, рухани, діни тұрғыда түсіндіру жұмыстарын жүргізу мақсатында «Дәстүрлі құндылықтар керуені» тақырыбындағы көшпелі жиындар өтіп жатыр. Бүгінге дейін өңіріміздің Арыс қаласы мен Сарыағаш, Мақтаарал, Жетісай, Келес, Шардара, Қазығұрт жəне Төлеби аудандарында ұйымдастырылған шараға облысымызға танымал дінтанушы-теологтар, беделді спортшылар, мәдениет майталмандары мен зиялы қауым өкілдері, Қазақстан мұсылмандары діни басқармасының облыстық филиалдарының имамдары және өзге де сала өкілдері қатысты.

Түркістандық ғалымдар Елбасы мақаласын ерекше форматта сараптады

Елбасы Нұрсұлтан Назарбаев осы аптада «Ұлы даланың жеті қыры» атты мақаласын жариялағаны белгілі. Халықтың жүрегіне жол тауып, қоғамға ерекше әсер еткен мақаланы Түркістан жұртшылығы өте жылы қабылдады. Түркістан қаласындағы Қожа Ахмет Ясауи атындағы халықаралық қазақ-түрік университетінің музейінде ерекше форматта жиында оқытушылар мен студенттер, ғалымдар мен сарапшылар бұл мақаланың ел санасын сілкіндіретінін атап өтті.

Елбасы Түркістанға ерекше назар аударып отыр

Мемлекет басшысының «Ұлы даланың жеті қыры» атты мақаласында халқымыздың ұлттық ерекшеліктеріне тоқталған. Онда «Атқа міну мәдениеті», «Ұлы даладағы ежелгі металлургия», «Аң стилі», «Алтын адам», «Түркі әлемінің бесігі, «Ұлы жібек жолы», «Қазақстан – алма мен қызғалдақтың отаны» атты тақырыптармен тарқатады.

«Туған жерге тағзым» Түркістаннан басталады

Бүгін Түркістан облысының орталығы Түркістан шаһарында «Туған жерге тағзым» кең ауқымды жобасы басталды. «Отандастар» қоры ұйытқы болған шараның міндеті - алыс-жақын шетелдерде, Австрия, Англия, Франция, Швеция, Иран, Қытай, Монғолия, Тәжікстан, Ресей, Белорусь, Өзбекстан және Қырғызстанда тұратын қандастарға арнап, Қазақстанның киелі жерлеріне тарихи-танымдық экскурсиялар сериясын ұйымдастыру.

Мәлік Отарбаев Түркістан облысы әкімінің орынбасары болып тағайындалды

Қазақстан Республикасы Президенті Әкімшілігінің келісімімен Түркістан облысының әкімі Ж.Түймебаевтың өкімімен Түркістан облысы әкімінің орынбасары болып Отарбаев Мәлік Нұржанұлы тағайындалды.

Түлкібаста «Бюджеттік процестер мен жергілікті өзін-өзі басқарудың коммуналдық меншігін басқару» атты семинар өтті

15 қараша күні Қазақстан Республикасы Президентінің жанындағы Мемлекеттік басқару академиясының Шымкент қаласы бойынша филиалы Түркістан облысы Түлкібас ауданы әкімінің қолдауымен Тұрар Рысқұлов кентінде «Бюджеттік процестер мен жергілікті өзін-өзі басқарудың коммуналдық меншігін басқару» семинарын ұйымдастырды. Семинарды Түлкібас ауданының әкімі Тұрашбеков Нұрбол Әбдісаттарұлы ашып берді. Қазақстан Республикасы Президентінің «Ұлт жоспары – бес институционалдық реформаны жүзеге асыру жөніндегі 100 нақты қадамның» 98 қадамы жергілікті өзін-өзі басқарудың дербес бюджетінің енгізілуі бойынша ауданда атқарылып жатқан жұмыстар жөнінде баяндаған Нұрбол Әбдісаттарұлы оқуға келген қатысушыларға семинардың нәтижелі өтуіне тілегін білдірді.

Отырар аудандық мәслихатының кезектен тыс ХХХІ сессиясы өтті

Қарашаның 15 күні Отырар ауданы әкімдігінің мәжіліс залында аудандық мәслихаттың кезектен тыс ХХХІ сессиясы өтті. Сессияға аудан әкімі Ерлан Айтаханов, аудан әкімінің орынбасарлары, аудандық мәслихат депутаттары, мекеме-кәсіпорын басшылары мен БАҚ өкілдері қатысты. Депутат Асан Аралбайдың төрағалық етуімен өткен сессияның күн тәртібіне Отырар аудандық мәслихатының 2017 жылғы 22 желтоқсандағы №22/106-VІ ««2018-2020 жылдарға арналған аудандық бюджет туралы» шешіміне өзгерістер енгізу туралы мәселе қойылды.

Түркістан облысы Өзбекстанның үш облысымен меморандумға қол қойды

Шымкент қаласында өткен «Қазақстан Республикасы мен Өзбекстан Республикасы арасындағы өңіраралық бірінші ынтымақтастық форумында» Түркістан өңірі өзбек елінің Жизақ, Ташкент облысы және Ташкент қаласымен меморандум түзді. Басқосуда Түркістан облысының әкімі Жансейіт Түймебаев пен Жизақ облысының әкімі Эргаш Салиевпен екі ел арасындағы сауда-экономикалық және инвестициялық ынтымақтастықты нығайту жайын талқылады.