Шымкент қалалық әзіл-сықақ және сатира театрының ұжымы Самат Алтаевтың «Өзіңе өмір сыйла» атты заманауи драмасын сахналады. Қойылым жастардың өмірге деген құштарлығын оятып, өз-өзіне қол жұмсаудан бойын аулақ ұстауға шақырады.
Әйгілі ақын, композитор Кенен Әзірбаевтың туғанына 135 жыл. Осыған орай Шымкентте «Ұлы даланың ұрпақтары» атты дәстүрлі жас әншілер байқауы ұйымдастырылды. Шымкент қалалық №3 балалар эстетикалық саз мектебінің оқушылары ұлы сазгердің әндерін дәріптеп, ұлттық мәдениетімізді насихаттады.
Қазақстан Ресбуликасының Сыбайлас жемқорлыққа қарсы іс-қимыл Агенттігінің Шымкент қаласы бойынша департаменті мен Саз колледжі бірлесе «Адал – жас ұрпақ» атты патриоттық әндер мен мәнерлеп оқу байқауын өткізді.
Шымкент қаласындағы Шәмші Қалдаяқов атындағы филармонияда «Күзгі әуендер» атты концерт өтті. Онда 30-ға жуық қайта өңделген ретро әндер шырқалды. Жас ұжым осылайша өнер сүйер қауымға тамаша тарту жасады.
Кеше Шымкентте Қазақстан халқы Ассамблеясының мүшелері қазақ халқының «Мизам» ұлттық мерекесін атап өтті. Аталған іс-шара барысында қалалық «Ынтымақ» этносаралық мәдени бірлестігінің ұйымдастыруымен ұмытыла бастаған мерекенің мән-маңызы насихатталып, дәстүрге сай тағамдарды қысқа дайындаудың әдіс-тәсілдері көрсетілді.
Шымкент қаласында "Рухани жаңғыру" бағдарламасы және ұлы ақын Абай Құнанбайұлының 175 жылдық мерейтойы аясында "Дәстүрлі қолөнерді қолдайық" тақырыбымен қолөнер шеберлерінің көрме-жәрмеңкесі өтуде. Көрме-жәрмеңкеде Түркістан облысы мен Шымкент шаһарынан 40-тан астам қолөнер шебері жүннен, қыштан, ағаштан, темірден жасалған қолөнер бұйымдары мен әртүрлі металлдан жасалған зергерлік бұйымдарын көптің назарына ұсынды.
Шымкент қаласында «Шырайлы Шымқала – жастардың көзімен» тақырыбында «JAIDARMAN» ойындары өтті, деп хабарлайды AQ-QARA.KZ тілшісі.
«Жастар жылы» аясында ұйымдастырылған шараға үміт білдіргендер қарасы көп дейді ұйымдастырушылар. Алғашқы кезеңде үміткерлер дәстүрлі әндерді орындау және эстрадалық вокал бойынша бақ сынады. Фестиваль аясында жастар ән, би, музыка өнері, көркем сурет және әдеби шығарма аталымы бойынша сайысқа түседі.