Бүгін Арыс қалалық әкімдігінің мәжіліс залында Арыс қаласын қайта қалпына келтіруге арналған аппараттық жиын өтті. Түркістан облысының әкімі Өмірзақ Шөкеев төрағалық еткен жиында облыстық Құрылыс басқармасы басшысының орынбасары Ербол Ахметов әр сектордағы құрылыс жұмыстарына тоқталды. 

Шығыс Қазақстан облысы, Көкпекті ауданында «Толағай сұлтан-2019» халықаралық спорттық-шығармашылық сайысы өтті. Жыл сайын облыс көлемінде өтетін сайыс биыл халықаралық деңгейде ұйымдастырылды. 

Тамшылатып суғару - ең алдымен судың ысырабын азайтып, екіншіден, өнім көлемі арттыратын суғарудың үнемді әдісі. Бүгінгі таңда Түлкібас ауданының бау-бақша өсірумен айналысатын шаруалары алдыңғы қатарлы озық технологияларды қолдана отырып, мол өнім алуда. 

Созақ ауданында жастарды жұмыспен қамту мәселесі оң шешімін тауып келеді. Кәсіпкерлерге де қолдау көп. Дипломмен ауылға көшіп келіп жатқан өрендердің де саны арта түскен. Осы және өзге де жетістіктер «Жастар күні» мерекесі барысында айтылды. Атаулы күнде өз саласында үздік атанғандар марапат биігінен көрінді.

Елбасының тапсырмасы аясында ағымдағы жылдың наурыз айында «Қарапайым заттар экономикасы» бағдарламасы жұмысын бастаған болатын. ҚР Үкіметі бағдарлама бойынша халық тұтынатын тауарларды, шикізатты жәнебастапқы қайта өңдеу өнімдерін өндірілуіне қолдау көрсетеді. Бүгінгі таңда бағдарламаны іске асырудан Түркістан облысы көш бастап тұр. Өңірдн жалпы құны 64,5 млрд. теңгені құрайтын 206 жоба бойынша жұмыс жүргізіліп жатыр. Бұл туралы бағдарламаны іске асыру бойынша Өңірлік жобалау офисінің кезекті отырысында мәлім болды.

ҚР Мәдениет және спорт министрлігі, ТҮРКСОЙ Халықаралық ұйымы, Түркістан облысы әкімдігінің ұйымдастыруымен Түрік кеңесінің 10 жылдығына орай ТҮРКСОЙ Жастар камералық оркестрінің концерті Түркістан қаласында бастау алады. Бұл туралы Жастар ресурстық орталығында өткен баспасөз-мәслихатында ТҮРКСОЙ Халықаралық ұйымының Бас хатшысы Дүйсен Қасейінов мәлімдеді.

Кентау қаласына қарасты Қарашық ауылында ауыл шаруашылығы ісі қарқынды. Мысалы «Тұран» шаруақожалығы мақта мен сүт өңдейтін цех ашып, жыл сайын тонналап өнім өндіруде. Осылайша, алақандай ғана ауылда істің көзін тапқан кәсіпкер 200-ге жуық адамды жұмыспен қамтып отыр.

Созақ ауданының бағбандары өткен жылы қауын-қарбыз егіп, экспортқа шығарған болатын. Бұл істі биылғы жылы да қолға алып отыр. Созақ ауданының диқандары 15 келіден асатын қарбызды егіс алқабынан жинап алуда. Демек, шаруалар биылдан бастап қауын-қарбыздарын шетелге саудалайтын болады.

Шардара ауданында соңғы онжылдықта төртінші отбасында үшем өмірге келіп отыр. Ал, осы Шардара ауданы Көксу ауылында екінші отбасында үшем туылды. Бұған дейін екі ұл, екі қызды дүниеге әкеліп, тәрбиелеп отырған үшемдердің анасы Мейрамкүл Мамбетова 1987-жылы туылған.

ҚР Мәдениет және спорт министрлігіне қарасты «Әзірет Сұлтан» мемлекеттік тарихи-мәдениет қорық-музейінде аудиогид жобасы іске қосылды. Қожа Ахмет Ясауи кесенесіне келушілер мен туристер аталған құрылғыдан қазақ, орыс, ағылшын тілдерінде мәлімет алып, саяхат жасай алады.