Алдағы уақытта Түркістан облысында үстел ойындарына арналған спорт мектебі ашылады. Бұл туралы Түркістан облысы Өңірлік коммуникациялар қызметінде өткен брифингте облыстық дене шынықтыру және спорт басқармасының басшысы Полат Қырықбаев айтып өтті.
Жетісайда көпбалалы ана мемлекеттен грант алып, кәсібін кеңейтіп отыр. Түркістан облысы, Жетісай ауданы, Қазыбек би ауылдық округі Әбибулла ауылының тұрғыны, көпбалалы ана Айгүл Жансейітова бүгінде кәсібін кеңейтіп, мемлекеттік қолдауының шарапатын көріп отырған жан.
Түркістан облысының Кәсіпкерлер палатасында облыста түйе шаруашылығымен айналысатын ферма басшыларына жиын ұйымдастырылды. Түйе шаруашылығын дамыту және сүт өңдеу зауытын шикізатпен қамтамасыз ету мақсатында қаржы институттарының өкілдері түйе фермерлеріне елімізде мал шаруашылығын дамытуға арналған барлық жеңілдіктер, несиелер мен субсидиялар туралы айтып берді.
Түркістанда дәстүрлі «Ясауитану - 2019» байқауы басталды. «Әзірет Сұлтан» мемлекеттік тарихи-мәдени қорық-музейі» РМҚК және Қожа Ахмет Ясауи атындағы Халықаралық қазақ-түрік университетінің ұйымдастыруымен Елбасымыз Н.Ә.Назарбаевтың «Болашаққа бағдар: рухани жаңғыру», «Ұлы даланың жеті қыры» бағдарламалық мақаласында көрсетілген «Ұлы даланың ұлы есімдерін» ұлықтау мақсатында және Жастар жылына орай дәстүрлі «Ясауитану - 2019» республикалық байқауы басталды.
Түркістан облысында оқушылар уақытша ұстау абақтысында болып қайтты. Бәйдібек АПБ бастығының Кадр саясаты жөніндегі орынбасары Ж.Мамыров Бәйдібек аудандық білім бөлімімен 2019-2020 оқу жылына арналған бірлескен жұмыс жоспарына сай білім беру мекемелеріндегі тәртібі қиын оқушылармен кездесті.
Түркістандық 6 жас Президенттік кадр резервінің шешуші кезеңдеріне өткен. Атап айтсақ, резервке алынған жастарға алдағы 5 жыл ішінде мемлекеттік ең жоғары басқарушылық министр және олардың орынбасарлары, жауапты хатшы, облыс әкімі мен орынбасарлары, аппарат басшылары, комитет төрағалары, ұлттық компания мен холдинг төрағалары және мүшелері, сонымен қатар аудан, қала әкімі лауазымдары ұсынылады.
«Әзірет Сұлтан» мемлекеттік тарихи-мәдени қорық-музейіне қарасты Рәбия Сұлтан Бегім кесенесін музейлендіру жұмыстары аяқталып, келушілерге есігі ашылды. Аталған музейлендіру жұмыстары барысында кесене ішіне арнайы орындықтар қойылып, тұлғалар жайлы мәліметтер мен төл жәдігерлері орналастырылған.
Түркістан облысы, Жетісай ауданында Халықаралық зағиптар күні қарсаңында ақ дастархан жайылып, мерекелік сый-сияпаттар жасалды. 13 қараша – Халықаралық зағиптар күніне орай Жетісай ауданында мерекелік іс-шара болып өтті.
Киелі ауданның тазалығын бүгінгі таңдағы биік талғам мен талапқа сай берік сақтап, өңірді жасыл желекке оранған көрікті мекенге айналдыру мақсаты күн тәртібінен түсіп көрген емес. Осы бағытта "Ұлылар отаны" атанып, еліміздің Тұңғыш Президенті - Елбасы Н.Ә.Назарбаевтың өзі "Отырар - қазақ өркениетінің алтын діңгегі" деп жоғары бағасын берген ауданда соңғы уақыттардың өзінде көптеген игілікті істер жүзеге асырылып, келген қонақтар мен аудан тұрғындарының көңілдерінен шығуда. Тек бүгінгі күннің ғана емес, келешектің де жарқын игілігі үшін бүгін қасиетті Арыстанбаб бабамыз мәңгілік тыныстаған жердегі кесенесінің кіреберіс қақпасы маңына аудан әкімі Ә.Жүнісов, аудан прокуроры К.Нәрікбаев, аудандық полиция бөлімінің бастығы Б.Мыңжасаров пен аудандық мәслихаттың хатшысы М.Манапов бастаған мәслихат депутаттары мен аудандағы әр саланың бөлім басшылары шырша көшеттерін отырғызды. "Бір тал кессең, он тал ек" деген халық даналығын кейінгі жас буын ұрпақтарға үлгі етуді мұрат тұтқан бұл игілікті іс алдағы кездерде де жалғасын таба беретіні сөзсіз.
«AQ-QARA.KZ»-ақпарат.
Қызметін қарапайым ұстаздықтан бастап ауданның әкімі, облыс әкімінің орынбасары, Қазақстан Республикасы Парламенті Мәжілісініңдепутаты атанған, мемлекет және қоғам қайраткері Оразкүл Асанғазиева аудан орталығы Жетісай қаласындағы “Б.Момышұлы” мектеп-гимназиясында қыз-келіншектермен кездесті. Басқосуға Жетісай ауданы әкімінің орынбасары Мақсат Жанұзақұлы Жолдасбеков пен аудандық білім бөлімінің әдіскерлері, ұстаздар мен колледж студенттері қатысты.