Көпбалалы және табысы аз отбасыларға үкімет тарапынан қаржылай атаулы әлеуметтік көмектің берілуі Түркістан облысының Сарыағаш ауданында 9 мыңнан астам азаматтың өз бетінше кәсіп етіп, табыс табуына мүмкіндік жасады. Сондай-ақ, биыл тағы 7 мыңнан астам отбасын жұмыспен қамту бойынша әлеуметтік жоспар түзіліп отыр.

Арыс қаласындағы қаупсіздік және дабыл жүйесі толығымен жаңартылып, ауыстырылады. Сонымен бірге Түркістан облысының даму бағдарламасы бойынша өңірдегі барлық аудан, қалаларда да осы бағытта жұмыс күшейтіледі. Бұл туралы бүгін Арыс қаласындағы брифингте Түркістан облыстық төтенше жағдай департаментінің басқарма басшысы, азаматтық қорғау полковнигі Бақытжан Запаров мәлімдеді.

Биыл жазда Арыстық 4010 баланы жазғы лагерьге жіберу жоспарланған. Бұл туралы бүгін Арыс қаласында өткен брифингте қалалық білім бөлімінің басшысы Әбдіхан Мұсаев мәлімдеді.

Мақтааралды көркейту жұмыстары қарқынды жүріп жатыр. Аудан орталығы Мырзакенттің келбетін ашатын бірнеше әлеуметтік орындардың құрылыс жұмыстары қызды. Жыл соңына дейін пайдалануға беріледі деп жоспарланған демалыс аймағында тұрғындардың сейіл құрып, тынығуына жағдай жасалуда.

Биылғы ҰБТ қорытындысы бойынша елімізде тек бір ғана оқушы ең жоғары 140 балл жинаған. Ол - Қасымжан Жұбай есімді Сарыағаш ауданының түлегі. «Жаскешу» деп аталатын алақандай ауылдағы орта мектепті 11 жыл бойына үздік оқыған жас мұндай жетістікке қажырлы ізденіс, мақсатшыл талпынысы арқасында жетіп отыр.

Түркістан облысы Сарыағаш қаласында «Нұрлы жер» бағдарламасы аясында көпқабатты 13 үйдің құрылысы аяқталуға жақын. Деморгафиялық өсу қарқыны аса жоғары аймақта соңғы қырық жылдың ішінде алғаш рет осындай көлемде баспана салынуда. Әр үйдің тұрғызу үшін қазынадан 396 миллион теңге бөлінді. Осындай ауқымды құрылыстың арқасында баспана кезегін күткен 500-ден астам отбасы тамыз айында пәтерлі болмақ.

Түркістан облысы Шардара ауданының су жаңа әкімі Қайрат Жолдыбай өзінің әкімдік қызметтегі алғашқы жұмыс күнін шағалалы Шардарадағы бірқатар нысандарды аралаудан бастады.

Бүгін Түркістан облыстық «Қазақстан халқы Ассамблеясы» ғимаратында медиаторлардың біліктілігін арттыру мақсатында арнайы жиын өтті. Жиынды облыстық ҚХА төрағасының орынбасары-хатшылық меңгерушісі Ғ.Рысбеков ашып, медиация саласында атқарылған жұмыстар туралы баяндады.

Жетісай ауданы Қазыбек би ауыл округіне қарасты Қазыбек би ауылының №6 кітапханасында балалар және ауыл тұрғындарының қатысуымен «Ұрпақ тәрбиесі - ұлағатты іс» атты тәрбие сағаты өтті. Іс-шараның мақсаты – оқырмандардың бойына адамгершілікті қалыптастыру, ұрпақ тәрбиесі - ұлағатты іске баулу.

Мақтаарал ауданы әкімдігінің мамандары Арыс қаласындағы 8-ші секторда төтенше жағдайдан зардап шеккен арыстықтарға 100 мың теңге көлемінде бір реттік өтемақы алу бойынша 645 отбасы, 3020 тұрғыннан құжаттар жинақтап үлгерді. Бұл туралы секторға жауапты аудан әкімінің орынбасары Бейсенбай Төребеков хабарлады.