21-25 тамыз аралығында Венгрияның Сегед қаласында дүниежүзінің ескек есушілері әлем чемпионатында бақ сынайды. Токио олимпиадасының лицензиялық жолдамасы сарапқа салынатын додаға Түркістан облысының спортшылары да қатысады.
Түркістан облыстық Бекзат Саттарханов атындағы дарынды балаларға арналған спорт мектеп-интернатына спорттың 10 түрі бойынша емтихан қабылдау басталды. Атап айтсақ, бокс, грек-рим, еркін күрес, дзюдо және қазақ күресі мен таэквондо, каратэ және футбол мен жеңіл атлетика, ауыр атлетика спорт түрлері бойынша сынақ емтихандарын өткізетін болады.
Шілде айының 27-28 күні Нұр- Сұлтан қаласында грепплингтен «ASIA OPEN» Халықаралық жарысы өтті. Айтулы жарысқа әлемнің 6 елінен Ресей, Үндістан, Өзбекстан, Қырғызстан, Тәжікстан және Қазақстан елінен 600 тарта спортшы қатысты. Байрақты бәсекеде облыс, аудан намасын қорғаған Мыңжасар Алпамыс, Болат Жолшыбеков, Ұласар Мұқаш, Абзал Саттар тұғыр бигінен көрініп, жарыстың жүлдегері мен жеңімпаздары атанды.
Спортшылардың кәсіби мерекесіне орай қаладағы орталық стадионда салтанатты іс-шара өткізілді. Аудандық дене шынықтыру және спорт бөлімі ұйымдастырған мерекелік шарада аудан әкімі Қайрат Жолдыбай құттықтау сөз сөйлеп, Шардара спортының республикада шоқтығы биік екенін атап өтті.
Түркістанда Жастар жылына орайжалпықалалық жүгіру марафоны өтті. Жарыс жолы Есімхан алаңынан басталып, Жеңіс саябағымен жалғасты. Марафонға қасиетті шаһардың тұрғындарынан бөлекқала қонақтары да қатысып, белсенділік танытты.
“12-тамыз – Спортшылар күні” мерекесі қарсаңында шардаралық спортшылар марапатталды.Аудан әкімі Қайрат Жолдыбайұлы шәкірттерін жеңіс тұғырына жетелеп жүрген ардагер спортшылар мен жаттықтырушыларды марапаттап, сый-сияпат жасады.
Түркістан облысы, Түлкібас ауданы, Састөбе кентінде «Спорт күні» мерекесіне орай жаңа спорт кешені халық игілігіне берілетін болды. Састөбелік жастар жаңа оқу жылын жақсы жаңалықпен қарсы алмақ. Себебі тамыз айының үшінші аптасы, яғни спорт күні мерекесіне орай кент орталығынан 240 адамға есептелген су жаңа спорт кешені пайдалануға берілуі жоспарлануда.
Италияның Неаполь қаласында ХХХ дүниежүзілік универсиада өтіп жатыр. Аталмыш додада дзюдадан абсолюттік салмақ дәрежесінде Қазақстан тұңғыш алтын медаліне қол жеткізді.