Шығыс Қазақстан облысы, Көкпекті ауданында «Толағай сұлтан-2019» халықаралық спорттық-шығармашылық сайысы өтті. Жыл сайын облыс көлемінде өтетін сайыс биыл халықаралық деңгейде ұйымдастырылды.
Жетісай аудандық ішкі саясат бөліміне қарасты «Жастар ресурстық орталығы» КММ мен Жетісай аудандық аңшылар мен балықшылар қауымдастығының ұйымдастыруымен өтіп жатқан екі күндік сайысқа Жетісай, Мақтаарал, Шардара, Сарыағаш, Келес аудандарымен қатар Шымкент қаласынан, көршілес Өзбекстан елінен 25 команда қатысуда.
Алматы қаласында ұлттық спорт түрі көкпардан І Азия чемпионаты болып өтті. Тартысты аламанға 8 мемлекеттің құрамасы қатысты. Азия ойындарында «Түлкібас ұлттық спорт түрлерінен балалар мен жасөспірімдер спорт мектебінің» спортшылары, Қазақстан құрамасының мүшелері Мамыт Әділет пен Қарқабат Бекзат жүлделі І орынды иемденді.
Тәуелсіз еліміздің әлемдік спорт додаларында биіктен көрінуіне Түлкібас ауданының спортшылары да өз үлесін қосып келеді. «Қазақстан Республикасындағы кәсіптік және өзге де мерекелер туралы» 1998 жылғы 20 қаңтардағы №3827 Жарлыққа сәйкес «Спорт күні» кәсіби мерекесі елімізде тамыз айының үшінші жексенбісі жыл сайын жоғарғы деңгейде аталып өтілуде. Осы орайда, кеше аудан орталығындағы мәдениет үйінде аудан спортының дамуына өлшеусіз үлес қосып жүрген спортшылар мен бапкерлер және ардагерлерді марапаттау шарасы өтті.
Еліміздің атақ-даңқын шығарып, мерейін үстем етіп келе жатқан қазақстандық спортшылар кәсіби мерекесін атап өтті. Өңірдегі «Біркөлік» сауықтыру-спорт кешенінде сала үздіктері анықталды. Жемісті еңбек еткен спортшылар мен бапкерлер марапат биігінен көрінді.
Тамыздың үшінші жексенбісі – елімізде спорт күні мерекесі. Кәсіби мерекені өңіріміздің спортшылары да лайықты деңгейде атап өтті. Онда дүбірлі додаларда ел намысын қорғап жүрген саңлақтар мен жаттықтырушыларға құрмет көрсетілді. Сонымен қатар футболдан жасөспірімдер арасындағы жарыстың жеңімпаздары анықталды.
Ағымдағы аптада аудандық ардагерлер кеңесінің ұйымдастыруымен Ұлы Отан соғысының ардагері, ҚСР Жоғарғы Кеңесінің депутаты (1967), мал шаруашылығын өркендетуге қосқан үлесі үшін «Қазақ КСР-іне еңбегі сіңген ауыл шаруашылық қызметкері», есімі «Қазақ КСР-нің Алтын кітабына» жазылған (1964), 2 Ленин (1964, 1975), Еңбек Қызыл Ту (1971, 1977) ордендерінің иегері, Созақ ауданының Құрметті азаматы Қалы Байымбетовті еске алуға арналған асық атудан аудан ардагерлері арасында жарыс өтті. Аталған жарыс аудан орталығы Шолаққорғандағы балалар мен жасөспірімдер спорт мектебінде болды.
Састөбе кентінің жастары жаңа оқу жылын жақсы жаңалықпен қарсы алмақ. Бүгін спорт күні мерекесіне орай кент орталығынан 240 адамға есептелген «Ер Жәнібек» атындағы су жаңа шынықтыру-сауықтыру спорт кешені ашылды.