Төлеби ауданында кәсіпкерлікке көңіл бөлініп, шағын және орта бизнесті қалыптастыру жұмыстары қарқынды жүріп жатыр. Жастарды қолдау мақсатында алынған кәсіпкерлік бағдарламалар арқылы жастар гранттарға қол жеткізуде. 

Кәсіпкерлер палатасында мемлекеттік орган өкілдері мен кәсіпкерлер жиналып, мемлекетке тән емес функцияларды бәсекелестік ортаға және өзін-өзі реттейтін ұйымдарға беру мәселесін талқылады. 133 функцияны жүзеге асыратын мемлекеттік органдардың өкілдерінен және бизнес-қауымдастықтан тұратын жұмыс тобы құрылуда. 

Түркістан облыстық қоғамдық даму басқармасының ұйымдастыруымен «Бәйшешек» лагерінде «ЖАСТАР ЕРІКТІЛІК БАСҚАРУ» тақырыбында екі күндік оқу лагері өтті. Шараға 200-ге жуық еріктілер ұйымының көшбасшылары жиналды. 

«Менің туым – менің Отаным» акциясына Кентаулық жастар да үн қосты. Қаладағы №7-ші және орта арнаулы колледж студенттері Республика аумағында бастау алған Челленджді жалғап, Туды салтанатты түрде көтеру рәсімін өткізді.

Футболдан Қазақстан біріншілігінің Екінші лигасында өнер көрсеткен «Арыс» командасы биылғы маусымды жақсы нәтижемен аяқтады. Келер жылы Түркістан облысының намысын Бірінші лига клубтары қатарында қорғайтын болады.

Мақтаарал ауданында халық саны аз қоныстанған Солтүстік, Шығыс Қазақстан облыстары мен Павлодар қалаларының бос жұмыс орындары жәрмеңкесі өтті.

 «Сапалы жол - Түркістан Адалдық алаңы» Жобалық кеңсесімен Түркістан облысының Отырар ауданында мемлекеттік бюждет қаржысы есебінен салынған жергілікті жолдарға мониторингтік бақылау жұмыстары жүргізілді.

Түркістан облысына келген «Денсаулық» медициналық пойызы теміржол бойында барлық ауылдарға медициналық көмек көрсететін болады. Қазақстанның шалғай жатқан теміржол стансаларына аялдайтын пойыздың сапары биылғы жылдың 21 желтоқсанында аяқталады. 240 күн ішінде теміржол бойында орналасқан ауылдардың тұрғындарына шамамен 230 млн теңгенің қызметі көрсетілмек. Бұл туралы «Әлеуметтік медициналық сақтандыру қоры» баспасөз қызметі хабарлады.

Жыл соңында Түркістан облысында ата-аналар ассосациясы құрылады. Оның құрамындағы түрлі ұйымдар тікелей бала тәрбиесімен айналысатын болады. Бұл туралы Түркістанда өткен облыстық ардагерлер кеңесінің кеңейтілген төралқа мәжілісінде облыстық адами әлеуетті дамыту басқармасының басшысы Рахымбек Жолаев айтты.

Жетісай ауданындағы мектептердің маңына арнайы манекендер орнатыла бастады.