Келес ауданының әкімі Ақментай Есбаев және аудан әкімінің орынбасары Серік Қарақұлов Ошақты ауылдық округі Ошақты және Жетітөбе елді мекендерін бөліп тұратын, Саңырау су түсіргісінің үстіндегі «КХ-72-Ошақты-Жолбасшы-Ораз ата» автомобиль жолының 0+350 шақырымдағы көпір құрылысының барысымен танысты. 

Мал шаруашылығы саласын дамытудың негізгі көрсеткіштері мал басы мен мал шаруашылығы өнімдерін ұлғайтуға және асыл тұқымды мал басының үлесін арттыруға бағытталған. Статистикалық мәліметтерге сәйкес, қаңтар-маусым айларында Ордабасы ауданында ауыл шаруашылығы жалпы өнімінің көлемі – 12 млрд. 951 млн. 500 мың теңгені құрап, 2018 жылдың тиісті кезеңімен салыстырғанда 1 млрд. 537 млн 500 мың теңгеге артты. 

Орталық емханада ашылған жаңа қызмет түрлері бүгінде халықтың көңілінен шығып, қажеттеріне жарауда. Күрделі жөндеу жұмыстарынан өткен қабылдау бөлімінің сәнді көрінісі кімді болсын қызықтырып, көңілін қуантады. Ауырып ем іздеп барған науқастар жайлы, таза, жарық жерде отырып, кезегін күтеді. 

Түлкібас ауданында қай саланы алсақ та, ілкімді істер қолға алынып, жүйелі түрде іске асып жатқанын байқауға болады. Солардың бір бағыты – ауыл шаруашылығы саласында. 

Шардаралық оқушылар жазғы демалыстарын пайдалы әрі тиімді өткізуде. Шардара ауданында жазғы демалыста 700 оқушы қала сыртындағы сауықтыру лагерьлерімен қамтылған. 

Спортшылардың кәсіби мерекесіне орай қаладағы орталық стадионда салтанатты іс-шара өткізілді. Аудандық дене шынықтыру және спорт бөлімі ұйымдастырған мерекелік шарада аудан әкімі Қайрат Жолдыбай құттықтау сөз сөйлеп, Шардара спортының республикада шоқтығы биік екенін атап өтті. 

Бүгінде бизнеске бет бұрған жастар жетерлік. Төлеби ауданының жастары да бұл салада белсенділік танытуда. Бірі мал шаруашылығымен айналысуды жоспарласа, енді бірі наубайхана цехын ашқысы келеді. 

Төлеби ауданына қарасты Тасарық елдімекенінің орталық клубында аудан басшысы мен округ тұрғындарының қатысуымен жиын өтті. Аудан әкімі Тасарық ауылдық округіне қарасты бірнеше мекемелердің жұмысымен танысты. Бірінші кезекте жеке кәсіпкер С.Танабаевтың 18,6 га жүзім бауы мен 15 га сарымсақ бауының жұмысынан бастады. Кәсіпкер 30 690 дана тайфи жүзімін егіп, тұрақты 10 адамды, маусымдық жұмыста 100 адамды қамтамасыз етіп отыр.

Арыс қаласындағы Қостанай облысы мен Сарыағаш ауданына қарасты 16 - секторда қарбалас тіршілік. Жұмыс қыз-қыз қайнауда. Қауырт жұмыстар қолға алынуда. Айта кетейік, Арыс қаласында бүгінгі таңда 8408 жеке тұрғын үй бар. Соның 1105 -  көпқабатты үй. Қырық мыңнан астам тұрғыны бар қаладағы қалпына келтіру жұыстары 7597 жеке тұрғын үй мен 78 көпқабатты үйлерде жүргізілуде.

Шардара ауданы биыл мақта өнімін екі есе мол алуды жоспарлап отыр. Жаушықұм ауылдық округіне қарасты «Иіржарагро» шаруақожалығы 350 гектар жерге мақтаның жергілікті сортын еккен. Сонымен қатар шаруа қожалығы алқапты тамшылатып суғару әдісін де қолға алған. Оңтайлы іске көшкен шаруалар былтырғымен салыстырғанда биыл өнімді мол жинайтынына сенімді.