Бүгін Түркістан облысы әкімдігінің қолдауымен, облыстық ауыл шаруашылығы басқармасының ұйымдастыруымен Арыс қаласында ауыл шаруашылығы өнімдерінің жәрмеңкесі өтті. Бұл жәрмеңкеге Келес ауданының шаруалары да белсенді атсалысып 7,5 тонна өнім ұсынған.

Бүгін Түркістан облысы әкімдігінің қолдауымен Арыс қаласында ауыл шаруашылығы өнімдерінің жәрмеңкесі өтті. Арзан бағамен сатылып жатқан өнімдер арыстықтарға елеулі көмек болып тұр. Бұл туралы Арыс қаласының 8-ші секторына жауапты Мақтаарал ауданы әкімінің орынбасары Бейсенбай Төребеков хабарлады.

Арыс қаласын қалпына келтіру бағытындағы жұмыстар жалғасып жатыр. Жалпы, қалада 8401 үй тіркелсе, оның 7097-сі зақымдалған. Сонымен бірге 104 көпқабатты үйдің 94-іне жөндеу жұмыстары тағайындалған. Сондықтан осы үйлерді жылдам әрі сапалы жөндеу, қалпына келтіру үшін құрылысшылар түнде де жұмысты жалғастырып келеді.

Түркістан облысы, Түлкібас ауданы, Састөбе кентінде «Спорт күні» мерекесіне орай жаңа спорт кешені халық игілігіне берілетін болды. Састөбелік жастар жаңа оқу жылын жақсы жаңалықпен қарсы алмақ. Себебі тамыз айының үшінші аптасы, яғни спорт күні мерекесіне орай кент орталығынан 240 адамға есептелген су жаңа спорт кешені пайдалануға берілуі жоспарлануда.

Қазақстан халқы Ассамблеясының мүшелері Арыс қаласының тұрғындарына көмек беру шараларын жүйелі жалғастырып келеді. Бүгін Қазақстан өзбектері этномәдени бірлестіктері «Достық» қауымдастығы құрылыс материалдары тиелген 10 жүк көлігін Шымкенттен Арыс қаласына көмек ретінде жөнелтті. Құны 9 млн 800 мың теңге болатын материалдар бүгін апат орын алған аймақтағы Шымкент қаласына бекітілген №10 секторға жеткізілді.

Арыста жағдай қалыпқа келді. Зақым келген үйлер жөнделіп жатыр. Тұрғындар тіршілігін жасап жүр. Жергілікті билік 1 қыркүйекке дейін мектептерді де ретке келтіреміз деді. Алайда жарылыстан кейін, қауіп сейілгенімен үйлеріне қайтуға бас тартқандар да болды.

ҚР Премьер — министрі Асқар Мамин, еліміздің денсаулық сақтау министрі Елжан Біртанов Арыс қалалық орталық ауруханасында жүріп жатқан күрделі жөндеу жұмыстарының барысымен танысты. Арыстың бүгінгі жай-күйі туралы нақты ақпарат беру мақсатында арнайы келген делегацияға Облыстық денсаулық сақтау басқармасының басшысы Мұқан Егізбаев қазіргі таңда Арыстағы емхана науқастарды қабылдап жатқанын және 1 ай ішінде қалалық аурухана іске қосылатынын атап өтті.

«Арысқа апта сайын келіп тұрамын». Премьер — министр осылай деді. Арыс қаласына жұмыс сапарымен келген Үкімет басшысы Асқар Мамин қаланың қалпына келтіру шаралары мен тұрғындардың жағдайы жіті бақылауында екенін жеткізді. Құрылыс жүріп жатқан обьектілерді шолып шыққан Үкімет басшысы жауаптыларға бірқатар тапсырмалар да берді.

Қазақстан Республикасы Үкіметінің «Өңірлерді дамытудың 2020 жылға дейінгі мемлекеттік бағдарламасының» тұрғын үй қорын жаңғырту тетігі бойынша 2019 жылға Кентау қаласындағы 44 көпқабатты тұрғын үйлердің ішінен 14  үйдің қаржысы бөлініп, құрылыс жұмыстары басталып кетті.  

Бүгін Арыс қаласын қалпына келтіру бағытында атқарылып жатқан жұмыстар жөнінде брифинг өтті. Жиында  ҚР Қорғаныс министрлігінің өкілі, полковник Қайыргелді Хусаинов Арыс қаласынан 60 шақырым қашықтықта мамандардың күшімен оқ-дәрілердің жарылмаған жалғыз бөлшектерін жою жұмыстары жалғасып жатқанын мәлімдеді. Сонымен бірге ол тұрғындарды расталмаған жалған ақпараттарға сенбеуге және таратпауға шақырды.