Басқосуға аудандық аналар кеңесінің мүшелері, түрлі этнос өкілдерінің аналары мен әйел-қыздары, Түркістан облысы әкімі аппаратының «Қоғамдық келісім» КММ-нің Сайрам аудандық филиалының мамандары мен аудандық этномәдени бірлестіктердің төрайымдары, ішкі саясат бөлімінің мамандары мен ауданның бас имамы, әлеуметтік-психологиялық сүйемелдеу секторының мамандары және аудандық білім бөлімінің психолог, социолог әдіскерлері, мектеп директорлары мен мұғалімдері, сондай-ақ БАҚ өкілдері қатысты. Іс-шарада аудандық аналар кеңесінің төрайымы Ү.Мұратбекова «Ұрпақ тәрбиесі - ұлттың болашағы» тақырыбында мазмұнды баяндама жасады. Қатысушылар тарапынан жастардың тәрбиесі мен жас отбасылар арасындағы мәселелер, отбасылық қатынастар, отбасылық-тұрмыстық даулар мен тұрмыстық зорлық-зомбылықтардың алдын алу мәселелері кеңінен талқыланды. Сайып келгенде, ананың қоғам тыныштығы мен отбасы шырқын сақтауда рөлі орасан.

«AQ-QARA.kz»-ақпарат.