Бұдан бөлек, Түркістан облысының республикадағы ауыл шаруашылығы жалпы өнімінің үлесі - 14,6 пайызды құрап, елімізде 2-орынды иемденіп отыр. Сондай-ақ, республикадағы өнеркәсіп өнімінің көлеміндегі үлесі бойынша облыс 14-ші орынға тұрақтап, көрсеткіш 1,6 пайызды құраған. «Түркістан облысы бойынша ауыл, орман және балық шаруашылығы жалпы өнімінің көлемі 6 ай қорытындысымен 147 млрд 148 млн теңгені құрап, өткен жылмен салыстырғанда 4,3 пайызға артты. Оның ішінде мал шаруашылығы -- 128 млрд 275 млн теңге болып 4,7 пайызға өскен», - деді Айдар Ахметбекұлы.

Тағы бір айта кетерлігі, өңірде жұмыс істеп тұрған шағын және орта кәсіпкерлік субъектілерінің саны 2018 жылдың 1 шілдесінде 126 975 бірлікті құрап, 2017 жылдың тиісті кезеңі деңгейінен 2,7 пайызға жоғарылаған. Еліміз бойынша жұмыс істейтін субьектілердің 10,6 пайызы Түркістан облысына тиесілі. Ағымдағы жылдың қаңтар-наурыз айларының есебі бойынша, шағын және орта кәсіпкерліктегі субъектілерінің өнім шығарылымы - 52 млрд 888 млн теңгеге жеткен.  

«AQ-QARA.KZ» – ақпарат»