Бүгіннен бастап арыстықтар мемлекет тарапынан және қор арқылы жиналған қаражатты жәрдемақы түрінде ала бастады. 58 мың Арыс қаласының әрбір тұрғыны өздеріне тиесілі 100000 теңгені "Халық банктің" банкоматтары арқылы алып жатыр. Қазіргі таңда Арыс қаласындағы Орталық стадион жанындағы спорт мектебінде 8 банкомат орнатылған. Бұдан бөлек тағы қалада 10 банкомат жұмыс істеп тұр. Қорға жиналған 5,8 млрд. теңгенің 1,8 млрд. теңге сомасын қазақстандықтар өз күштерімен жинаған болатын. Одан бөлек 1 млрд. теңге Түркістан облысы әкімдігінің бюджетінен және 3 млрд. теңге қаражат республикалық бюджеттен бөлініп отыр.Айта кетейік, карточкаға түскен қаржыдан банктің комиссиялық төлемдері ұсталмайды.

«AQ-QARA.kz»-ақпарат.