Бұл бастаманы қазіргі уақытта білім беру және денсаулық сақтау мекемелері белсенді қолдауда. Мәселен, Шымкент қалалық білім басқармасына қарасты №5 жалпы орта мектебінің әкімшілігі ғимараттың бірінші қабатында «Open Space» форматында жабдықталған кабинеттерде орналасқан. Ө.Жолдасбеков атындағы №9 мектеп-гимназиясының басшылығы да мектептің 1-қабатында ашық кабинетте азаматтарды қабылдауда. Сол іспетті Шымкент қаласының №1 емханасы мекемеде ашықтықты қамтамасыз ете отырып, өзінің жұмысын «Open Space» форматында бастады.

«Open space» форматы демократиялықты, корпоративтікті сақтау, құжаттармен жұмыс істеуді жеңілдету, ең бастысы азаматтардың мәселелерін тез әрі жедел шешу сияқты артықшылықтарға ие. Сонымен қатар «Ашық кабинеттер» призмасы арқылы ашықтық қағидаттарын пайдалану сыбайлас жемқорлық тәуекелдерін азайтудың тиімді тетігі болып табылады.

Жалпы, бүгінде Шымкент қаласы бойынша 7 денсаулық сақтау ұйымының басшылары әкімшілік ғимараттардың 1-қабатына көшірілсе, 68 білім беру мекемесінің директорлары ауданы кең кабинеттерін босатып, бірқатары мектеп ғимараттарының бірінші қабатына орналасып, кезең-кезеңімен «Open Space» форматын енгізуде.

«AQ-QARA.KZ»-ақпарат.