Көне шаһардағы тозығы жеткен инфрақұрылымдарды жаңалау бағытында тар көше жолдары кеңейтіліп, қаланың аумағы көріктендіріледі. Шаһар шартты түрде бірнеше аумаққа бөлініп, жолдар «қызыл шаршы» негізінде жөнделеді.

Жоспар бойынша Түркістандағы 800-ден астам көшенің басым бөлігі алдағы екі жылда жөнге келтірілмек. «Негізгі көшелер Тәуке хан, Қожанов, Қазыбек би, Саттарханов көшелері, оған қоса кәріз жүйелері жөнделеді, көше бойына ағаштар мен гүлдер отырғызылады» дейді Түркістан қаласы әкімінің орынбасарыЖандос Байырханов.

Атап өтер жайт, Үкімет басшысы Асқар Мамин Түркістан облысына жасаған сапарларының бірінде шаһарды көгалдандыру мәселесіне аса көңіл бөлу қажеттігі жөнінде тапсырма да берген болатын.

«AQ-QARA.kz»-ақпарат.