Экономика

Ауыл шаруашылығы министрі Түркістан облысына келді

ҚР ауыл шаруашылығы министрі Сапархан Кесікбайұлы облыс әкімі Өмірзақ Естайұлымен бірге Мақтаарал ауданына барды. Ең алдымен олар Мақтаарал ауылдық округі, «Ақ алтын» елді мекеніндегі «АШМ сервис-орталығы» өндірістік кооперативінің мақта терімі науқанымен танысты. Онда биылғы жылы 70 га жерге М-4011 мақта сорттық тұқымын егіп, 25,0 ц/га түсімділікпен өнім алуда. Бүгінгі таңда 43 адамды жұмыспен қамтып отырған өндірістік кооперативі 58 бірлік ауыл шаруашылығы техникаларымен жабдықталған.

Түркістан облысы: Сарыағаш 3 номинация бойынша «озат аудан» атанды

Түркістан облысында өткен «AltynKuz-2019» ауыл шаруашылығы қызметкерлерінің мерекесі аясында Сарыағаш ауданы жүзім өндіруден, жұмыртқа өндіруден және жылыжай шаруашылығын дамытудан озат аудан атанды. Осыған орай аудан басшысы М.Отаршиевке Түркістан облысында өткен «AltynKuz-2019» мерекесінде облыс әкімінің арнайы дипломы мен мерекелік кәдесый табысталды.

Түркістан облысы: Кентаудағы жылыжайда жыл бойына жұмыс бар

Кентау бұрын өндірісті қала атанса, ал бүгінде ауыл шаруашылығы да қоса өркендеген өлкеге айналып отыр. Яғни кенді қаланы қазір агроөнеркәсіпті аймақ деп атауға толық негіз бар. Өйткені бұған қатысты барлық сала түгел қамтылып, ол 53 пайызды құраған. Әсіресе, оның ішінде жаңа технологияларды пайдалана отырып, жылыжай салу ісі де қарқын алып келеді. Өз кезегінде бұл экономиканы еселеп, жұмыс күші мен табысты да арттырып отыр.

Түркістан облысы: Қазығұртта таңқурай өсіретін диқандар жылына 2-3 рет өнім алуда

Қазығұрт ауданында таңқурай өсіруді кәсіп еткен жергілікті диқандар жылына 2-3 өнім алу әдісін мықтап қолға алған. Сондай-ақ, аймақта өсімдік майын өндіру ісі де қарқынды. Өндіріс қуаттылығы жылына 1000 тонна өнімді құрайтын цех Қытай Халық Республикасына мақсары майын экспорттайды. Кәсіпорын мақта майын да өндіреді. Бұл туралы облыс әкімінің аймаққа жасаған сапарында айтылды.

Түркістан облысы: «Қой шаруашылығындағы модельді ферма» атты облыстық семинар-кеңесі өтті

Отырар ауданы Қарақоңыр ауыл округіндегі Әбдімәжит Сыздықбеков басшылық ететін «Отырар-Агро» ЖШС мал комплексінде «Ұлттық аграрлық ғылыми-білім беру орталығы» мен «Оңтүстік-Батыс мал және өсімдік шаруашылығы ғылыми - зерттеу институтының» ұйытқы болуымен «Қой шаруашылығындағы модельді ферма» атты облыстық семинар-кеңес болып өтті.

Түркістан: Төлеби ауданында бюджеттің кіріс бөлігі артығымен орындалған

Төлеби ауданының әкімі Бауыржан Омарбековтің төрағалығымен әкімдік мәжілісі өтті. Мәжілісте ауданның 2019 жылғы 9 айдың қорытындысы бойынша аудан бюджетінің атқарылуы айтылды. Аудандық экономика және қаржы бөлімінің басшысы Ашрапов Мансурбек Жаналиұлының мәліметі бойынша Аудан бюджетінің кіріс бөлігінің 9 айдағы жоспары 868,4 млн теңге болса, нақты түскен 907,3 млн теңге немесе жоспар 38,9 млн.теңгеге артығымен орындалып 104,5 пайызды құрап отыр.

Түркістан облысы: Төлеби – мақсары өндіруден озат аудан

Түркістан облысында өткен «AltynKuz-2019» ауыл шаруашылығы қызметкерлерінің мерекесі аясында Төлеби ауданы биыл да мақсары өндіруден озат аудан атанды. Ағымдағы жылы ауданда мақсары дақылы 12900,7 гектарға егіліп, шаруалар ұзын-ырғасы 16130,2 тонна өнім алған.

Түркістан облысы: Бәйдібек ауданында ісі өрге домалаған шаруа қожалығы бар

Елімізде ауыл шаруашылығы саласына бөлінген көмек қоры аз емес. Агро саланы дамыту бағытында қолға алынған бағдарламалар да өз нәтижесін беріп келеді. Шаруаларды жанар жағар маймен, субсидиямен қамту ісінде де ілгерілеушілік бар. Осындай мүмкіндікті мүлт жібермей, шаруасын шалқайтқандардың бірі Түркістан облысы, Бәйдібек ауданындағы «Ерсұлтан Агро» шаруақожалығы.