Өз қаражаттары есебінен театр аумағын жасыл желекке көмкеріп, көгалдандырып, көркейткен өнер ұжымы қылқанжапырақты ағаштар мен бағалы өсімдіктердің түр-түрін өсірген екен. «Театр шарбағы мен 1,5 миллион теңгеге жүргізілген өздігінен суару жүйесі, шым төсеу – бас-аяғы 3 миллион теңгенің жұмысы зая кететін болды-ау» деп, өнер майталмандары алаңдаулы һәм өкінішті күйде жүр.

Облыстық орыс драма театрының директоры Наталья Шевченконың сөзіне сенсек, бұл тұрғыда мән-жайды білмек мақсатта арнайы жазылған хаттарға әкімдіктен әл-әзірге жауап келе қоймапты.

Алайда қала әкімдігіндегі жауапты тұлғалар уайымдауға пәлендей негіз жоқ екенін жеткізді. Шымкенттің бас сәулетшісі, яғни қалалық сәулет және қала құрылысы бөлімінің басшысы Нұрлан Архабаев «Көгалдандыру жұмыстарына залал келмейді, тек шарбақ сүріледі» деп сендіріп отыр.

«AQ-QARA.KZ»-ақпарат.