Бүгінде денсаулық сақтау жүйесін оңтайландыру бағдарламасы оң нәтиже бере бастады. 2018 жылдың 30 қаңтарынан бастап ОҚО әкімі жарлығымен «Амбулаторлық хирургия, травматология және гинекология орталығы» №1 Шымкент қалалық ауруханасының құрамына қосылды. Ол амбулаторлық хирургия, травматология және гинекология бөлімшесі айналып, ақылы қызметтердің арқасында қысқа мерзім ішінде жөндеуден өтті.

Медициналық мекемелерге халықтың көп келетіні айтпаса да түсінікті. Бұл ұзақ уақытқа созылатын кезектердің пайда болуына әкеледі. Жаңа бөлімде барлық бөлімшелер электронды кезек жүйесіне көшірілген. Бұл науқастар арасындағы түсініспеушілік пен айқай-шудан құтқарып қана қоймай, уақытты үнемдеп, келушілерге ерекше қамқорлық жасайтын медициналық мекеме ретінде беделін қалыптастыруға мүмкіндік берді. Ауруханадағы электронды кезек жүйесі «Digital Kazakhstan» бағдарламасы аясында жұмыс істейді. Пациенттер үшін күту бөлмесінің жаңа түрі жасалды. Қысқа уақыт ішінде қазіргі заманғы жабдықтармен жабдықталған бактериологиялық зертхана ашылған.

Осы жұмыспен бірге Оңалту орталығын құру үшін дайындық жұмыстары жүргізілуде. Амбулаторлық хирургия, травматология және гинекология бөлімінде заманауи жоғары сапалы технологияларды қолданумен пациенттерге сол күні операция жасайды және шығарылады. Бұл емдеу технологиясы «бір күндік хирургия» деген атауға ие («one day surgery»).

Жаңадан құрылған бөлім Шымкент қаласы мен Түркістан облысының тұрғындары үшін амбулаторлық-емханалық көмек көрсетеді. Травматология, хирургия, оториноларингология, урология, проктология саласындағы мамандар әрқашан қала тұрғындарына көмектесуге дайын. Амбулаторлық хирургия, травматология және гинекология орталығының пациенттері үшін енді кезекте тұрудың қажеті жоқ. Жаңа бөлімдегі барлық бөлімшелер электронды кезек жүйесіне көшкен. Жаңартылған ғимаратта күту залы, зертхана және 30 орынға арналған палаталар бар.

«AQ-QARA.KZ  - ақпарат»