Кәсіпкерлікті қолдау мақсатында белгіленген мемлекеттік 505 мың теңге грант иелері марапатталды. Жеңімпаздарды Шымкент қаласының Жұмыспен қамту және әлеуметтік қорғау басқармасы басшысының орынбасары Нұрғали Қуандықұлы Егембердиев арнайы құттықтады.
Бірі мал шаруашылығымен айналысып жатса, енді бірі тігін цехын ашқан. Жәрдемақы алған тұрғындардың ішінде кондитерлік цех ашып, түрлі тәттілерін саудаға шығарып отырғандар да бар.
Ұзындығы 4 шақырымға созылған Шымкенттегі Адырбеков көшесін жөндеу үшін бюджеттен 1 млрд. тенгеден астам қаражат қаралған. Мердігерлер бүгінгі таңда сол қаржының 400 млн. тенгесін игердік дейді. Құрылыстың қарқынды жүруіне жер асты коммуникациялық желі қолбайлау болып тұр екен.
Шымкент қаласының әкімі уәдесінде тұрды! Шымкенттегі "Тұран" мөлтекауданының тұрғындары осылай деп, қуанып отыр. Осыдан небәрі екі күн бұрын Ерлан Айтаханов тұрғындармен кездесіп, осы маңға қоғамдық көлік жүргізіп беруге уағдаласқан еді. Қала басшысы сөзінде тұрып, бүгін 171-ші бағыттағы автобус жолаушы тасымалдауды бастап кетті.
Шымкент қалалық онкологиялық орталыққа қазан айында жетуі тиіс химиопрепараттар 7-10 күнге кешігуде. Бұл туралы қалалық денсаулық сақтау басқармасы басшысының орынбасары Ғалымжан Əбішев БАҚ өкілдерімен өткен брифингте мəлімдеді.
Шымкентте қалалық Сәулеттік кеңесінің бірінші отырысы өткені белгілі. Осы жиында «Shymkent City» жобасының аумағындағы тұрғын үй кешендерінің, Арғынбеков көшесіндегі көп қабатты тұрғын үй кешенінің, «Нұрсәт» мөлтек ауданындағы «Nur-Sultan Plaza» көп қабатты тұрғын үй кешенінің, олардың қасбеттерінің сондай-ақ, көп қабатты автотұрақтардың эскиздік жобалары талқыланды.
ҚР Еңбек және халықты әлеуметтік қорғау министрі Біржан Нұрымбетов "Оңтүстік" арнайы экономикалық аймағында орналасқан "Әлем-БТ" ЖШС-ның шұлық жасау фабрикасының жұмысымен танысты және "Әлем білім орталығы" білім алушыларымен кездесті.
Бүгін Шымкент қаласына жұмыс сапарымен келген ҚР Еңбек және халықты әлеуметтік қорғау министрі Біржан Нұрымбетов "Шапағат" мүгедектерге арналған оңалту орталығының ашылу салтанатына қатысты. Нысанның жұмысымен толық танысып шықққан министр сонда ем-дом қабылдап жатқан азаматтармен тілдесіп, оларға мемлекет тарапынан қажетті көмектің жоғары деңгейде көрсетіле беретіндігін тілге тиек етті.